Nea Adesua Nsɛm Wom

ADESUA NSƐM NO ATIRIMPƆW

ADESUA ASƐM 1 KRATAFA 3-7

Akwan atitiriw abien bɛn na Yesu faa so daa n’Agya adi kyerɛɛ n’asuafo ne afoforo? Dɛn na yebetumi ayɛ de asuasua Yesu na yɛada n’Agya no adi akyerɛ afoforo? Adesua yi bɛboa yɛn ma yɛanya nsɛmmisa yi ho mmuae.

ADESUA ASƐM 2 KRATAFA 8-12

Nokwaredi asa wɔ wiase nnɛ, nanso ɛnsɛ sɛ yɛma saa tebea no sɛe asomdwoe ne biakoyɛ a ɛwɔ Kristofo mmusua ne asafo no mu no. Adesua yi bɛma yɛahu sɛ yebetumi adi Onyankopɔn ne yɛn ho yɛn ho nokware daa.

ADESUA ASƐM 3 KRATAFA 13-17

Dɛn na yɛbɛyɛ de akyerɛ sɛ yɛde koma a edi mũ na ɛsom Yehowa? Asiane bɛn na ɛsɛ sɛ yɛbɔ yɛn koma ho ban fi ho? Dɛn na ɛbɛboa yɛn ma yɛakɔ so de koma a edi mũ asom Yehowa? Wubenya ho mmuae wɔ adesua yi mu.

ADESUA NSƐM 4, 5 KRATAFA 22-31

Wɔbɛtow ahyɛ Onyankopɔn nkurɔfo so wɔ “ahohiahia kɛse” no mu. (Mat. 24:21) Dɛn nti na yebetumi anya awerɛhyem sɛ Yehowa begye yɛn? Ɔkwan bɛn so na ɔboa yɛn ma yekura yɛn mũdi mu bere a yɛretwɛn awiei no? Yebenya ho mmuae wɔ adesua nsɛm yi mu na ɛbɛhyɛ yɛn gyidi den.