Nhyiam Horow A Ɛbɛboa Yɛn Ma Yɛayɛ Asuafo
DAPƐN A EFI ASE MARCH 7
Dwom 4
5 min: Asafo mu nkaebɔ ahorow.
15 min: “Afie Afie Asɛnka Adwuma mu nsɛnnennen No.” Asɛnka adwuma sohwɛfo anaa ɔpanyin foforo de nsemmisa ne mmuae di asɛm a ɛwɔ May 15, 1981 Engiresi Ɔwɛn-Aban mu ho dwuma. Munsusuw tebea ne suban ahorow a ɛwɔ mo mpɔtam hɔ a egye animia ho. Monkyerɛ ano aduru wɔ Kyerɛwsɛm mu ne nea wɔde di dwuma a ɛyɛ yiye. Fi anigye mu hyɛ asɛnka adwuma a yebenya mu kyɛfa daa ho nkuran.
15 min: “Bɔne Nyinaa Awiei” ne “Paradise Foforo wɔ Asase So.” Wo ne mmofra nkumaa dodow bi mmɔ adesua 114 ne 115 ho nkɔmmɔ mfi Bible Mu Nsɛm nhoma mu.
10 min: “Momma Yenhu Yɛn Ho Yɛn Ho.” Bisa-bisa adawurubɔfo nkumaa baanu anaasɛ baasa sɛnea ɛyɛe a wobehuu nokware no. Hyɛ asafo nkuran ma wonni kan nhu wɔn ho wɔn ho yiye, na ama wɔanya abusuabɔ honhom a emu yɛ hyew.
Dwom 10 ne mpaebɔ.
DAPƐN A EFI ASE MARCH 14
Dwom 51
8 min: Asafo mu nkaebɔ ahorow, a sika akontaabu ka ho.
12 min: “Asɛmpa a Wɔbɛka Akyerɛ—Wɔ Akokoduru So.” Nsemmisa nie mmuae. Munsusuw kyerɛw nsɛm ahorow ho sɛnea bere bɛma kwan. Kyerɛ nnyinasosɛm a osuahu ahorow no mu biara da no adi.
20 min: “Ahosiesie a Ɛfata sɛ́ Kristoni.” Ɔkasa, a atiefo nya mu kyɛfa. Ɛsɛ sɛ mpanyimfo di ho dwuma a, nsɛnnennen anaa nea ɛrekɔ so wɔ asafo no mu wɔ wɔn adwenem. Hyɛ mmofra ne mpanyin nkuran na wɔnkwati anibiannaso a wɔbɛyɛ wɔ ahosiesie mu.
5 min: Kae anuanom nyinaa dapɛn awiei asɛnka adwuma.
Dwom 8 ne mpaebɔ.
DAPƐN A EFI ASE MARCH 21
Dwom 65
7 min: Asafo mu nkaebɔ ne Yɛn Ahenni Som mu nkaebɔ ahorow a ɛfata.
15 min: “Monkae Wɔn a Wodi Mo Anim No.” Nsemmisa ne mmuae. Gye bere na monkenkan nkyerɛw nsɛm ahorow a wɔapaw na mommɔ ho nkɔmmɔ mfa ntoto mo ahiade ahorow ho.
13 min: Mpanyimfo betumi ayɛ ho nhyehyɛe anaasɛ wobetumi ama July 1, 1981, Engiresi Ɔwɛn-Aban mu asɛm “Mepɛ” ho ɔkasa.
10 min: Nsɛmma Nhoma a Yɛde Bɛma. Wo ne atiefo mmɔ nea aba nnansa yi mu nsɛm ho nkɔmmɔ. Siesie ɔyɛkyerɛ ntiawa abien a ɛkyerɛ sɛnea wobetumi de nsɛmma nhoma ama a wɔde emu nsɛm ahorow ahorow di dwuma. Hyɛ anuanom nyinaa nkuran ma wonnya nsɛmma nhoma dwumadi mu kyɛfa wɔ Memeneda a ɛto so anan wɔ ɔsram mu.
Dwom 117 ne mpaebɔ.
DAPƐN A EFI ASE MARCH 28
Dwom 47
8 min: Asafo mu nkaebɔ ahorow. Afei nso. “Asemmisa Afã” ne Nkaedi Bible Akenkan ho Nhyehyɛe.
22 min: “Anadwo a Ɛsɛ sɛ Wɔkae” ho nsemmisa ne mmuae nkɔmmɔbɔ. Wɔ nkratafa 4-7 no, kyerɛ asɛnka adwuma ho nhyehyɛe ahorow a mode bɛto nsa afrɛ nnipa dodow a mubetumi aba Nkaedi no ase no mu yiye. (Hu asɛnka adwuma sohwɛfo wɔ eyi ho na woanka ɔfã a edi hɔ mu nsɛm.) Kyerɛ nhyehyɛe ahorow a ɛwɔ hɔ ma wɔn a wɔyare, nkwakora ne mmerewa a wontumi nnantew anaa wɔn a ɛyɛ den ma wɔn sɛ wobetumi aba no. Ka nsɛm ahorow a ɛwɔ April 1, 1981, Ɔwɛn-Aban mu a wobetumi de ato nsa afrɛ nkurɔfo aba Nkaedi no ase ho asɛm.
15 min: Ɔkasa a emu yɛ hyew a asɛnka adwuma sohwɛfo ma de hyɛ asɛnka adwuma a wɔbɛyɛ no kɛse wɔ April mu ho nkuran. Kyerɛ sɛnea adawurubɔfo betumi de wiase no ahomegye nna no adi dwuma de asɛmpa no akɔma nnipa pii wɔ wɔn afie mu. Kamfo wɔn a wɔde wɔn ho ahyɛ akwampaefo aboafo adwuma, no mu dedaw wɔ April mu no na hyɛ afoforo nso a wobetumi ayɛ saa no nkuran sɛ wɔmfa wɔn ho nhyem. Ennya nkaa akyiri ɛ. Wubetumi de wɔn a wɔyɛɛ akwampaefo boafo adwuma nnansa yi osuahu ahorow abien anaa abiɛsa a moasusuw ho dedaw aka ho—ɔkwan a wɔfaa so a wotumi yɛe, mmoa a abusua de mae; nhyira ahorow ne ade. Afei nso, kyerɛ asafo asɛnka adwuma ho nhyehyɛe a ɛwɔ hɔ wɔ ahomegye nna no mu—mmeae horow a wobehyiam ayɛ asɛnka nhyiam, asasesin ne ade. Fa akwampaefo aboafo akwammisa nkratasin kyerɛ na to nsa frɛ atiefo sɛ wommegye bi bere a wɔapɔn nhyiam no.
Dwom 104 ne mpaebɔ.