Nhyiam Horow A Ɛbɛboa Yɛn Ma Yɛayɛ Asuafo
DAPƐN A EFI ASE JULY 3
Dwom 5
8 min: Asafo mu nkaebɔ. Kae asafo nhoma bo foforo no. Hyɛ wɔn nyinaa nkuran anigye so ma wɔmmra Asafo Nhoma Adesua bere a yɛde Ahonhom a Aniwa Nhu Wɔn nhomawa no ba awiei ɔsram yi na yefi “Let Your Kingdom Come” ase August mu no. Hyɛ wɔn nkuran nso ma wɔmfa wɔn ho nhyɛ Memeneda a ɛto so abien nsɛmma nhoma dwumadi mu dapɛn yi awie.
15 min: “Mommɔ Ahenni Anidaso no Dawuru wɔ Yɛn Asasesin no Nyinaa Mu.” Asemmisa ne mmuae a wɔde di ho dwuma. Fa nyansahyɛ ahorow a efi adawurubɔfo hɔ a ɛfa nsɛm a wɔka ho anaasɛ osuahu ahorow a ɛfa “Kingdom Come” nhoma no a wɔde ma ne Bible adesua ase a wofi ho ka ho.
10 min: Munsusuw Asemmisa Afa ho. Ɛsɛ sɛ ɔkasafo si ɔdɔ mu a yefi susuw nnipa nyinaa honhom mu yiyedi ho ne hia a ɛho hia sɛ yɛrenyɛ biribi a ɛbɛto hintidua no so dua.
12 min: “Asɛmpa a Wɔbɛka Akyerɛ—Denam Nnianim Nsɛm a Etu Mpɔn So.” Asemmisa ne mmuae a wɔde di ho dwuma. Bisa atiefo ma wɔnkyerɛ nnianim nsɛm pɔtee a wɔahu sɛ eye. Hyɛ wɔn nkuran sɛ wɔmfa nnianim nsɛm a ɛte sɛɛ nni dwuma wɔ dapɛn awiei asɛnka adwuma mu. Kae wɔn nyinaa ma wɔmfa wɔn July 1, 1983, Ɔwɛn-Aban mmra adesua dapɛn a edi hɔ.
Dwom 18 ne mpaebɔ.
DAPƐN A EFI ASE JULY 10
Dwom 11
10 min: Asafo mu nkaebɔ ne Yɛn Ahenni Som mu de. Ka nea asafo no yɛe wɔ asɛnka adwuma mu June mu ho asɛm. Ka Ghana asɛnka adwuma wɔ April mu ne Nkaedi ho Amanneɛbɔ nso ho asɛm. Kamfo wɔn a wɔyɛɛ akwampaefo aboafo wɔ asafo no mu no. Sika akontaabu.
15 min: Ɔkasa a egyina asɛm “Sɛ Woyɛ Mfomso a Dɛn Nti na Ɛsɛ sɛ Wugye Tom?” no so a efi September 1, 1982. Engiresi Ɔwɛn-Aban mu. Ɛho hia sɛ mpanyimfo ne adawurubɔfo nyinaa de ahobrɛase ne nokwaredi gye wɔn mfomso ahorow tom a wommmu wɔn ho dodo. Eyi betumi ahyɛ yɛn nyinaa den.
20 min: “San Fa Wo Koma Bra Yehowa Nkyɛn.” Ɔkasa a wɔasiesie no yiye a ɔpanyin a ne ho akokwaw ma a egyina asɛm a efi July 1, 1983 Ɔwɛn-Aban mu so. Atiefo nya mu kyɛfa. Ma bere ma wɔmfa nyɛ ɔyɛkyerɛ tiaa mfa nkyerɛ sɛnea ɔwofo betumi de asɛm yi akyerɛ ne ba a wayɛ mmerɛw wɔ anifere mu. Si so dua sɛ ebia awofo bɛpɛ sɛ wɔde asɛm yi bi mana wɔn mma, sɛ wɔrentumi mfa mma wɔn tee a. Wosiesiei ma aboa wɔn a wɔtetee wɔn wɔ nokware no mu nanso wɔatwe wɔn ho afi ho no nyinaa. (Monhyɛ no nsow: Ɛsɛ sɛ wɔyɛ ɔfa yi ho nhyehyɛe fororo, sɛ wɔantumi anyɛ nhyiam yi esiane ɔmansin nhyiam anaa biribi foforo nti a.)
Dwom 82 ne mpaebɔ.
DAPƐN A EFI ASE JULY 11
Dwom 90
10 min: Asafo mu nkaebɔ, Kae atiefo nea yɛde rema ɔsram yi a ɛne “Let Your Kingdom Come” no. Fa osuahu tiaa biako anaa ntiantia abien a ɛfa “Let Your Kingdom Come” a wɔde ma anaa wofi adesua ase wom ho. (Di kan yɛ eyi ho nhyehyɛe.)
15 min: “Teokrase Ɔsom Sukuu No Ho Anisɔ a Yebenya.” Ɛsɛ sɛ sukuu sohwɛfo ne atiefo susuw ɔkwan foforo a wɔnam so de afotu ma sɛnea wɔada no adi wɔ Teokrase Ɔsom Sukuu Nhyehyɛe ma 1983 mu no ho. Si hia a ɛho hia sɛ osuani biara gye dwumadi nyinaa a wɔde ma no tom, siesie ne ho yiye na ɔde anisɔ gye afotu a efi ɔdɔ mu a wɔde ma wɔ sukuu no mu no tom no so dua.
20 min: Momma ɔpanyin mma ɔkasa a egyina asɛm “Fa Wo Dadwen ne Haw To Yehowa So” a ɛwɔ April 1, 1983, Ɔwɛn-Aban mu no so. Kae adawurubɔfo ma wɔmfa wɔn ho nhyɛ asɛnka adwuma mu Memeneda a ɛto so anan.
Dwom 87 ne mpaebɔ.
DAPƐN A EFI ASE JULY 24
Dwom 7
7 min: Asafo mu nkaebɔ.
20 min: “Yɛ Bible Adesua a Enya Nkɔso.” Fa nsemmisa ne mmuae di ho dwuma a nkyekyem 7 nka ho. Ɛsɛ sɛ wodi ho dwuma sɛ ɔyɛkyerɛ a ɛrekyerɛ sɛnea wosiesie onigyefo ma ɔsɔretia a efi abusua mufo, mfɛfo adwumayɛfo, ne ade hɔ.
18 min: Ɔkasa a ɛhyɛ nkuran a egyina asɛm “Wubetumi Adi Saa Mmerɛwyɛ Ahorow No So” a efi October 15, 1982. Engiresi Ɔwɛn-Aban mu so, nkratafa 8-11.
Dwom 92 ne mpaebɔ.
DAPƐN A EFI ASE JULY 31
ƆSOM NHYIAM NHYEHYƐE TITIRIW A ƐFA ASAFO BAA DWUMADIBEA DAN FOFORO WƆ NUNGUA, ACCRA, NO HO
5 min: Dwom 58 ne nnianim.
15 min: “Ɔdan a Wosi De Hyɛ Onyankopɔn Anuonyam.” Ɔkasa a ɔpanyin ma a egyina Hagai 1:8 so. Kyerɛ sɛ Yehowa ne Kristo yɛ adansifo. (Gen. 1:1: Yes. 40:26. Heb. 3:4) Ɛsɛ sɛ yesuasua wɔn na yesi dan hyɛ No anuonyam sɛnea ne nkurɔfo a wɔtraa ase tete yɛe no. (2 Be. 2:1, 4) Kyerɛ sɛnea Baa dwumadibea dan foforo no te ne n’afã ahorow no. Abansoro a ɛtoa so abiɛsa a adan a wɔdam 24 na ɛwom, beae kɛse a wotintim nhoma ne faako a wofi de nhoma ahorow mana, office adan abien ne Ahenni Asa kɛse biako. Fa bra awiei na kyerɛ sɛnea wɔde bedi dwuma de ama Ahenni no nneɛma anya nkɔso.
15 min:”Fa W’ahonyade Hyɛ [Yehowa] Anuonyam.” Ɔkasa a egyina Mmebusɛm 3:10 so a ɔpanyin ma. Sɛ nnipa a yɛahyira yɛn ho so no, biribiara a yɛwɔ yɛ nea yɛahyira so a yɛn nkwa ankasa ka ho. Ɛsɛ sɛ yɛde yɛn honam fam nneɛma som Yehowa. Nea ɛka eyi ho ne yɛn sika, nneɛma ne afoforo pii. Nanso Yehowa nhyɛ yɛn sɛ yɛmfa saa nneɛma yi nsom no. Ɔdɔ nea ɔtew n’anim ma. (2 Kor, 9:6, 7: Mal. 3:10) Ɛdenam ntoboa a yebefi yɛn pɛ mu ayi wɔ n’adwuma ho so no, yɛkyerɛ sɛ yɛdɔ no, yɛwɔ ne mu ahotoso na yehu sɛ nea yɛwɔ nyinaa fi ne hɔ, na ɔbɛma yɛn nsa aka nea yehia. (1 Be. 29:14; Heb. 13:5, 6) Kyerɛ mfaso a yɛn ankasa benya wɔ ɔdan foforo no ho. Fa bra awiei na hyɛ wɔn nyinaa nkuran sɛ wɔmmoa.
10 min: “Ɔkwan a Wɔfa So Boa.” Mpanyimfo baanu ntam nkɔmmɔbɔ ne adawurubɔfo dodow bi a wɔpɛ sɛ wohu ɔkwan a wɔfa so di ntoboa a wɔde reboa adwuma no ho dwuma. Wɔ sika akyi no, nea wobetumi de aboa, ne ɔkwan a wɔbɛfa so ayɛ saa. (Hwɛ Asafo krataa AB February 15, 1983, no mu.) (1 Kor. 16:1-3; 2 Kor. 9:7) Fa bra awiei na kyerɛ faako a ɛsɛ sɛ wɔde ntoboa ahorow kɔ, denam asafo no so anaasɛ wɔde brɛ Asafo ti no tẽe.
Dwom 27 ne mpaebɔ.