Ɔsom Nhyiam Nhyehyɛe
Dapɛn a Efi Ase February 11
Dwom 6
8 min: Asafo mu nkaebɔ. Yɛn Ahenni Som mu Nkaebɔ Ahorow a wɔapaw. Hyɛ obiara nkuran sɛ ɔnkenkan Genesis 6:1 kosi 9:19 na ɔnhwɛ Noah—He Walked With God video no mfa nsiesie ne ho mma ɛho a yebesusuw wɔ dapɛn a efi ase February 25 Ɔsom Nhyiam ase no.
17 min: ‘Ka Onyankopɔn Asɛm Wie Koraa.’ a (Nkyekyɛm 1-13) Ɛsɛ sɛ ɔhwɛfo guamtrani di ho dwuma. Anigye a wɔde susuw nea yɛpɛ sɛ yetumi yɛ wɔ March mu ne akyi ho. Ɛsɛ sɛ obiara de kalenda a wɔde ama wɔ krataa a ɛhyɛ mu no mu no yɛ nhyehyɛe pa a ɛbɛma wanya ɔsom adwuma no mu kyɛfa kɛse sɛnea obetumi wɔ March mu. Hyɛ wɔn a wobetumi ayɛ akwampaefo aboafo saa ɔsram no nyinaa nkuran sɛ wɔnyɛ saa. Sɛ moresusuw nkyekyɛm 7-8 ho a, bisa ma wɔnka nhyira horow a wɔn a wɔyɛɛ akwampae adwuma wɔ afe a etwaam no Nkaedi bere mu no nyae nkyerɛ. Ka kyerɛ wɔn sɛ wobetumi anya akwampaefo aboafo akwammisa nkrataa no bi bere a moapɔn nhyiam no.
10 min: “Ɔmansin Nhyiam Dwumadi Foforo.” Ɔkasa. Ka da a mobɛyɛ ɔmansin nhyiam a edi hɔ no. Ɛsɛ sɛ obiara bɔ mmɔden kɛse sɛ ɔbɛto nsa afrɛ ne Bible adesuafo. Hyɛ adawurubɔfo a wɔmmɔɔ wɔn asu nkuran sɛ wonsusuw sɛnea wɔbɛyɛ wɔn ahosohyira ho sɛnkyerɛnne ama Yehowa wɔ nhyiam a edi hɔ no ase ho. Hyɛ wɔn nyinaa nkuran sɛ wonkotie dwumadi no afã abien no nyinaa da biara.
10 min: “Nea Yɛbɛka Afa Nsɛmma Nhoma Ho.” Bisa adawurubɔfo sɛnea asɛm yi a ɛwɔ Yɛn Ahenni Som mu no aboa wɔn ma wosiesie wɔn ho yiye tumi de nsɛmma nhoma no mu nsɛm di dwuma ma ɛne nsɛm a ɛhaw adwene a esisi wɔ bere a emu yɛ den yi mu no hyia. Osuahu bɛn na ebinom anya bere a wɔma nkurɔfo nya awerɛkyekye na wɔboa wɔn ma wonya nsɛmmisa a ɛhaw adwene ho mmuae a egyina Bible so no? Kyerɛ sɛnea wɔde February 15 Ɔwɛn-Aban no ne afei March 8 Nyan! bɛma wɔ ɔyɛkyerɛ ntiantiaa abien mu.
Dwom 49 ne mpaebɔ a wɔde wie.
Dapɛn a Efi Ase February 18
Dwom 95
8 min: Asafo mu nkaebɔ. Sika ho amanneɛbɔ.
12 min: “Nnipa a Wɔwɔ Anigye Sen Biara Wɔ Asase So.”b Ka “Akwan a Wubetumi Afa So Anya Anigye” a ɛwɔ October 15, 1997, Ɔwɛn-Aban no kratafa 6 ho asɛm.
25 min: ‘Ka Onyankopɔn Asɛm Wie Koraa.’c (Nkyekyɛm 14-23) Ɛsɛ sɛ ɔsom adwuma sohwɛfo di ho dwuma. Ka nhyehyɛe atitiriw a moayɛ a ɛbɛma moayɛ adwuma pii wɔ March mu ho asɛm. Ka asɛnka nhyiam ho nhyehyɛe a moayɛ ama ɔsram no nyinaa ho asɛm. Fa adwene si wɔn a wɔayɛ mmerɛw a mobɛsan ama wɔayɛ den ne mmoa a mobɛma mmofra ne Bible adesuafo anya ma wɔafata sɛ adawurubɔfo a wɔmmɔ wɔn asu no so. Bobɔ wɔn a wɔde wɔn ho ahyɛ akwampaefo aboafo adwuma mu wɔ March mu no din na hyɛ pii nkuran sɛ wɔmfa mpaebɔ nsusuw ka a wɔbɛka wɔn ho ma wɔayɛ akwampae adwuma no ho.
Dwom 143 ne mpaebɔ a wɔde wie.
Dapɛn a Efi Ase February 25
Dwom 174
15 min: Asafo mu nkaebɔ. Yɛ nsɛmma nhoma a yɛde ma ho ɔyɛkyerɛ ntiantiaa abien—fa March 1 Ɔwɛn-Aban yɛ biako na fa March 8 Nyan! yɛ nea ɛka ho no. Ma aberantewaa anaa ababaawa nyɛ biako. Kae adawurubɔfo sɛ wɔmfa wɔn February asɛnka akontaabu mma.
15 min: “Tumi a Video Ahorow a Edi Adanse no Wɔ.” Atiefo nkɔmmɔbɔ. Ɛde besi nnɛ no, yɛasusuw yɛn video no mu awotwe ho wɔ Ɔsom Nhyiam dwumadi no mu. Bere a woaka nhwɛso ahorow a wɔde ama wɔ asɛm no mu tiawa awie no, bisa adawurubɔfo mma wɔnka nea wɔatumi ayɛ wɔ video no a woyi kyerɛ afoforo no mu nkyerɛ.
15 min: “Obiara Betumi Asua Biribi Afi Noah—He Walked With God Video no Mu.” Wo ne atiefo mfi ase nsusuw Noah video no ho ntɛm ara bere a wode adaka a ɛwɔ kratafa yi mu nsɛmmisa nkutoo di dwuma no. Wɔ April mu no, yebesusuw Young People Ask—How Can I Make Real Friends? video no ho.
Dwom 215 ne mpaebɔ a wɔde wie.
Dapɛn a Efi Ase March 4
Dwom 207
5 min: Asafo mu nkaebɔ.
12 min: Asafo mu ahiade.
12 min: Fa Nimdeɛ Nhoma no Fi Adesua Ase. Wɔ March mu no, yɛpɛ sɛ yɛfi ofie Bible adesua ahorow ase. Ka osuahu a ɛwɔ August 1998 Yɛn Ahenni Som no kratafa 4 nkyekyɛm 8 ho asɛm tiawa. Sɛ obi de Nimdeɛ nhoma no afi adesua ase nnansa yi ara a, yɛ sɛnea otumi yɛɛ eyi ho ɔyɛkyerɛ. Kae obiara wɔ “Nimdeɛ Nhoma no a Yɛde Bɛma Ho Nyansahyɛ Ahorow” a ɛwɔ krataa a ɛhyɛ January 2002 Yɛn Ahenni Som mu no ho. Fa nhoma no yɛ nyansahyɛ ahorow a ɛwɔ krataa a ɛhyem no kratafa 6 wɔ “Asɛm a Wɔka Tẽẽ” no ase ho ɔyɛkyerɛ biako.
16 min: “Dɛn Nti na Ɛsɛ sɛ Wokɔ So Ka Asɛm No?” Bisabisa ɔdawurubɔfo biako anaa baanu a wɔde mfe pii akɔ so aka asɛm no nsɛm fa wie. Ma wɔnka sɛnea wɔte nka wɔ nea enti a wɔakɔ so ayɛ adwuma yi ne sɛnea wɔanya so mfaso no ho asɛm nkyerɛ.
Dwom 223 ne mpaebɔ wɔde wie.
[Ase hɔ nsɛm]
a Mma nnianim nsɛm nnni simma biako, na fa asɛmmisa ne mmuae nkɔmmɔbɔ toa so.
b Mma nnianim nsɛm nnni simma biako, na fa asɛmmisa ne mmuae nkɔmmɔbɔ toa so.
c Mma nnianim nsɛm nnni simma biako, na fa asɛmmisa ne mmuae nkɔmmɔbɔ toa so.
Mma nnianim nsɛm nnni simma biako, na fa asɛmmisa ne mmuae nkɔmmɔbɔ toa so.