Nea Yɛbɛka Afa Nsɛmma Nhoma Ho

Ɔwɛn-Aban Nov. 1

“Ɛnyɛ dɛn ara a obi ada yɛn kokoam nsɛm adi akyerɛ afoforo pɛn. So woabisa wo ho pɛn sɛ, ‘So obi wɔ hɔ a metumi anya ne mu ahotoso?’ [Twɛn ma ommua. Afei kenkan Mmebusɛm 3:5.] Nsɛmma nhoma yi kyerɛkyerɛ nea enti a yebetumi de yɛn ho ato Onyankopɔn so koraa no mu. Ɛsan kyerɛ akwan a yebetumi afa so ahu nkurɔfo ko a ɛsɛ sɛ yenya wɔn mu ahotoso.”

Nyan! Nov. 8

“Ɛkame ayɛ sɛ nneɛma a wonya fi fango mu no ka yɛn asetra fã biara. So woasusuw nea sɛ nneɛma a yenya fi fango mu nni hɔ a anka asetra bɛyɛ no ho pɛn? [Twɛn ma ommua.] Nsɛmma nhoma yi kyerɛ nea ɛyɛe a fango bɛyɛɛ biribi a ɛho hia saa nnɛ no mu. Ɛsan nso ma yehu nea enti a ɛnsɛ sɛ yesuro sɛ bere bi bɛba a fango no bɛsa.”

Ɔwɛn-Aban Nov. 15

“Tete no, na nnipa pii gye di sɛ da bi asase bɛdan paradise. Ɛnnɛ, ebinom nnye nni sɛ ɛbɛtra hɔ mpo. Adwene bɛn na wukura wɔ asase daakye ho? [Ma ommua.] Hyɛ nea Bible ka fa eyi ho no nsow. [Kenkan Dwom 37:11.] Nsɛmma nhoma yi ka nea Bible ka siei wɔ asase ho no ho asɛm kɔ akyiri.”

Nyan! Dec. 8

“Ɛhaw nnipa binom sɛ wontumi nsiesie nneɛma a atwa yɛn ho ahyia a wɔasɛe no no. So wususuw sɛ wontumi nyɛ ho hwee? [Ma ommua.] Ɛnyɛ nea Ɔbɔadeɛ no pɛ ne sɛ asase bɛdan sumina a wontumi ntra so. [Kenkan Yesaia 45:18.] Nsɛmma nhoma yi kyerɛkyerɛ sɛnea wɔbɛkora asase yi so no mu.”