Ɔsom Nhyiam Nhyehyɛe

Dapɛn a Efi Ase July 12

Dwom 108

12 min: Asafo mu nkaebɔ. Ahenni Som Mu Nkaebɔ Ahorow a wɔapaw. Fa kratafa 4 hɔ nyansahyɛ (sɛ ɛfata mo asasesin no a) yɛ sɛnea wɔde July 1 Ɔwɛn-Aban ne July 8 Engiresi Nyan! bɛma ho ɔyɛkyerɛ. Wɔ emu biara mu no, ma ɔdawurubɔfo no mfa adamfofa kwan so nka asɛm tiawa mfa mfi ase. Ka kyerɛ anuanom sɛ, saa a yɛbɛyɛ no betumi ama ofiewura no rensuro yɛn.

18 min: “Suasua Yehowa Atɛntrenee.”a Ma atiefo nka kyerɛw nsɛm a emu nsɛm nni mu no ho asɛm sɛnea bere bɛma kwan.

15 min: Munsusuw “Da Koro Nhyiam Titiriw Dwumadi Foforo” no ho. Ka da a wɔbɛyɛ da koro nhyiam titiriw a edi hɔ no, na hyɛ wɔn nyinaa nkuran sɛ wɔnkɔ bi. Ka sɛ ɛsɛ sɛ wɔn a wɔpɛ sɛ wogye asubɔ no ka ho asɛm kyerɛ ɔhwɛfo guamtrani no.

Dwom 51 ne mpaebɔ a wɔde wie.

Dapɛn a Efi Ase July 19

Dwom 83

10 min: Asafo mu nkaebɔ. Munsusuw hia a ehia sɛ yekura Bible akenkan nhyehyɛe pa mu wɔ bere mpo a ahomegye bere ma yɛsakra nneɛma a yɛyɛ no daa mu no ho. Fa nsɛm a ɛwɔ August 15, 2000, Ɔwɛn-Aban, kratafa 32 no ka ho.

15 min: Bible—Nkɔmhyɛ Nhoma a Yebetumi de Yɛn Ho Ato So. Ɔkasa ne atiefo nkɔmmɔbɔ a egyina Amansan Nhoma nhomawa no kratafa 27-9 so. Wɔ yɛn asɛnka adwuma mu no, yɛtaa hyia nnipa a wodwen daakye ho. Bible ka daakye a ɛyɛ anigye a adesamma asoɔmmerɛwfo benya ho nsɛm a yebetumi de yɛn ho ato so. Munsusuw Bible mu nkɔmhyɛ binom a ɛma yenya ahotoso a emu yɛ den wɔ nea ɛka fa daakye ho no ho. Ma ɔdawurubɔfo bi nyɛ ɔyɛkyerɛ tiawa nkyerɛ sɛnea obetumi de Bible mu nsɛm a ɛresisi aboa onigyeni bi ama wanya Bible no mu ahotoso.

20 min: “Bible Adesua a Etu Mpɔn a Yɛbɛyɛ.—Ɔfã 1.” Ɔkasa a ɔsom adwuma sohwɛfo di ho dwuma. Ma atiefo nka asɛm a ɛwɔ Proclaimers nhoma no kratafa 572-4, a ɛka nnɛ bere mu Bible adesua a wɔyɛ ho abakɔsɛm no. Ma wonnya nsɛm a ebedidi so aba no ho anigye kɛse. Nsɛm a yebesusuw ho no bi ne sɛnea yebetumi asiesie yɛn ho ayɛ Bible adesua, sɛnea yɛbɛboa osuani ma wasiesie ne ho ama adesua, adesua dodow a ɛsɛ sɛ yesusuw ho, sɛnea yɛde kyerɛw nsɛm bedi dwuma yiye, sɛnea yebebua nsɛm a Bible asuafo bisa, sɛnea yebefi ase abɔ mpae wɔ adesua no mu ne sɛnea yɛbɛkyerɛ osuani no kwan aba ahyehyɛde no mu. Hyɛ wɔn nyinaa nkuran ma wɔmfa nyansahyɛ ahorow a wɔde ama no nni dwuma, na wɔmfa nsie sɛnea yebetumi de adi dwuma daakye.

Dwom 10 ne mpaebɔ a wɔde wie.

Dapɛn a Efi Ase July 26

Dwom 216

12 min: Asafo mu nkaebɔ. Sikasɛm ho amanneɛbɔ. Kae adawurubɔfo sɛ wɔmfa July asɛnka akontaabu mma. Fa kratafa 4 hɔ nyansahyɛ yɛ sɛnea wɔde July 15 Ɔwɛn-Aban ne July 22 Engiresi Nyan! bɛma ho ɔyɛkyerɛ. Wɔ emu biako mu no, ma wɔnyɛ sɛnea wɔde nsɛmma nhoma ma obi a ɔnam abɔnten so a ɔnte wo kasa yiye ho ɔyɛkyerɛ.

8 min: Asɛmmisa Afã. Ɛsɛ sɛ ɔpanyin di ho dwuma. Monkenkan na munsusuw emu nsɛm nyinaa ho.

25 min: “Sɛnea Yɛbɛka Asɛm no wɔ Asasesin a Nnwuma Wom Mu.”b Ka nhyehyɛe a moayɛ wɔ asafo no mu a mode yɛ adwuma wɔ asasesin a nnwuma wom no mu ho asɛm. Ma wɔmfa nkyekyɛm 4-5 no mu nsɛm anaa ɔkwan foforo a etu mpɔn wɔ mo mpɔtam hɔ nyɛ ɔyɛkyerɛ abien. To nsa frɛ atiefo ma wɔnka osuahu ahorow a wonyae bere a na wɔreka asɛm no wɔ asasesin a nnwuma wom mu sɛnea bere bɛma kwan.

Dwom 173 ne mpaebɔ a wɔde wie.

Dapɛn a Efi Ase August 2

Dwom 60

8 min: Asafo mu nkaebɔ.

22 min: Wutumi Kyerɛkyerɛ Mu? Ɔkasa ne atiefo nkɔmmɔbɔ a egyina Ɔsom Sukuu nhoma no kratafa 254, nkyekyem 1-2 so. Sɛ yɛkenkan kyerɛw nsɛm bi na yɛkyerɛkyerɛ mu wɔ asɛnka adwuma mu anaa wɔ asɛnka agua so a, adwene a ɛwom a yɛbɛma emu ada hɔ no bɛma yɛn nkyerɛkyerɛ atu mpɔn mmom sen sɛ yɛbɛka no saa ara kɛkɛ. Fa nhwɛso a ɛwɔ Reasoning nhoma no mu anaa nhoma foforo a emu nsɛm fata mo asasesin no di dwuma na kyerɛ sɛnea yebetumi (1) ahu nsɛntitiriw a ɛwɔ kyerɛw nsɛm bi mu na yɛakyerɛkyerɛ mu, (2) aka adanse bi a ebia efi nea yɛaka no mu anaasɛ efi kyerɛwnsɛm foforo mu de afoa so, (3) ayɛ mfatoho de akyerɛ ntease a ɛwɔ nea yɛaka no mu, ne (4) nsɛmmisa a yɛde bɛboa atiefo ma wɔadwen asɛm no ho. Si mfaso a ɛwɔ nsɛm a yɛne afoforo susuw ho mu no so dua.

15 min: Asafo mu osuahu ahorow. Ma atiefo nka osuahu ahorow a ɛhyɛ nkuran a wonyae bere a na wɔrekɔ ɔmansin nhyiam, wɔreyɛ akwampaefo boafo adwuma no anaa ɔsom mu dwumadi foforo a wɔyɛe nkyɛe no nkyerɛ.

Dwom 32 ne mpaebɔ a wɔde wie.

[Ase hɔ nsɛm]