Nkaebɔ Ahorow

◼ Nhoma a yɛde bɛma November: Suasua Ɔkyerɛkyerɛfo Kɛse No na yɛde bɛma. Sɛ ebinom ka sɛ wonni mma a, momfa Ahwehwɛde nhomawa no mma wɔn. Sɛ mode nhomawa no rema a, momfa mo adwene nsi ofie Bible adesua a mubefi ase so. December: Yɛde Onipa a Ɔsen Biara a Watra Ase Pɛn nhoma no bɛma. Sɛ ɛnte saa nso a, mubetumi de nhoma afoforo te sɛ The Bible—God’s Word or Man’s?, Me Nhoma a Ɛka Bible Mu Nsɛm ne Wubetumi Atra Ase Daa wɔ Paradise wɔ Asase So ama. January: Mubetumi de nhoma biara a ekura nkratafa 192 a wotintimii wɔ krataa a ɛdodow so anaa nea wotintimii ansa na 1990 reba ama. Asafo ahorow a wonni nhoma yi bi no betumi de Onyankopɔn Akyi Kwan a Adesamma Hwehwɛ no ama. February: Yɛde Bɛn Yehowa nhoma no na ɛbɛma.

◼ Ɛsɛ sɛ ɔhwɛfo guamtrani no anaa obi a wapaw no hwehwɛ asafo no sikasɛm mu December 1 anaa ɛno akyi bere tiaa bi. Sɛ mowɔ sika foforo bi a mode siesie dan no anaa adansi ho foto bi a, ɛsɛ sɛ moyɛ nhyehyɛe ma wɔhwehwɛ sika yi mu nso. Sɛ wɔyɛ eyi wie a, mommɔ asafo no amanneɛ bere a moakenkan mo sikasɛm ho amanneɛbɔ a edi hɔ awie no.

◼ Ɛsɛ sɛ asafo ahorow no fi ase kra afe 2004 Ɔwɛn-Aban ne Nyan! “bound volumes” a ɛbɛba no de ka nhoma a edi hɔ a wɔbɛkra no ho. Kasa horow a wobenya nhoma horow yi wom no bepue wɔ “Nkaebɔ a Wɔde Kɔma Asafo Ahorow Nyinaa,” a wɔde mena ɔsram biara no mu. Yɛbɛkyerɛw “Bound volumes” no wɔ krataa a nneɛma a yɛde brɛ mo din wɔ so no so sɛ “Pending” kosi sɛ yɛn nsa bɛka de amena mo. “Bound volumes” no yɛ nhoma a wɔkra ma wɔn a wobisa nkutoo.