Nkaebɔ Ahorow

◼ Nhoma a yɛde bɛma August: Momfa nhomawa biara a ekura nkratafa 32 a mubetumi de ayɛ adwuma wɔ mo asasesin mu mma. September: Dɛn na Bible Kyerɛkyerɛ Ankasa? October: Momfa Ɔwɛn-Aban ne Awake! nsɛmma nhoma mma. November: Suasua Ɔkyerɛkyerɛfo Kɛse No.

◼ Esiane sɛ adapɛn anum na ɛwɔ September mu nti, ɛyɛ bere pa a yebetumi de ayɛ akwampaefo aboafo adwuma.

◼ Ɛsɛ sɛ asafo ahorow fi ase kra 2008 Calendar of Jehovah’s Witnesses, Kyerɛwnsɛm no Mu a Wobɛhwehwɛ Daa—2008, ne 2008 Yearbook of Jehovah’s Witnesses ka nhoma a edi hɔ a wɔbɛkra no ho. Yebenya Kyerɛwnsɛm no Mu a Wobɛhwehwɛ Daa—2008 no bi wɔ Borɔfo, Ewe, Ga, Twi, ne kasa afoforo te sɛ Franse mu.

◼ Yɛde anigye rebɔ mo amanneɛ sɛ yɛayɛ nhyehyɛe foforo sɛ yɛde afe 2008 Afe Asɛm a Wɔatintim bɛbrɛ mo ma mode abɔ Ahenni Asa so NKUTOO. Wobetintim afe asɛm yi wɔ Borɔfo, Dangme, Ewe, Ga, Nzema ne Twi kasa mu. Ɛsɛ sɛ asafo ahorow a wɔka kasa yi mu biara yɛ nhyehyɛe sɛ wɔbɛfa asafo a ɛkra nhoma ma wɔn no so akra afe asɛm yi biako wɔ wɔn kasa mu aka nneɛma a wɔkra no afe afe a yɛaka ho asɛm yi ho wɔ nhoma a edi hɔ a wɔbɛkra no kratasin so. Monhwɛ sɛ mode kasa biara Afe Asɛm a Wɔatintim no bɛbɔ asa no so. Sɛ morekra afe asɛm yi a, yɛsrɛ sɛ monkyerɛw nhyɛ baabi a hwee nni wɔ “Miscellaneous” afã hɔ wɔ S-14 no so. Monhwɛ sɛ mobɛkyerɛw kasa ko no yiye. Ebia asafo no bɛpɛ sɛ woyi ntoboa wɔ Afe Asɛm a Wɔatintim no ho. Mubetumi de aka sika a mode mena Betel ɔsram biara no ho.

◼ Yɛrekae mpanyimfo sɛ wonni obiara a wɔatu no anaasɛ watew ne ho a ebia ɔpɛ sɛ wɔsan gye no no ho akwankyerɛ a wɔde ama wɔ April 15, 1991, Ɔwɛn-Aban no kratafa 21-23 no akyi.

◼ Yɛrekae mpanyimfo sɛ wɔnsan nsusuw akenkan ne akyerɛw ho nhyehyɛe a ɛho akwankyerɛ wɔ krataa a yɛkyerɛw no January 20, 2005 mu no ho. Monhwɛ sɛ mubedi akwankyerɛ a ɛwom no akyi pɛpɛɛpɛ.