January Ɔsom Akontaabu

Nnɔn. Nsɛm. San. BA

Dodow: Nky. Nky. Nky. Nky.

Akw.Tit. 174 134.2 29.6 84.9 17.4

Akw. 4,554 65.6 20.5 36.9 8.1

Akw. Abf. 1,993 50.7 15.9 23.6 5.8

Adwf. 78,480 13.0 4.3 6.4 2.1

NKABOM: 85,201 Asubɔfo: 624

Yɛkamfo adawurubɔfo nyinaa wɔ mmɔden a mobɔ wɔ nokware som ho, ne mpanyimfo a moboa wɔn ma wɔde asɛnka ho akontaabu ba ntɛm ɔsram biara no. Eyi de nhyira pii aba. Sɛ nhwɛso no, yɛde nhoma dodow a ɛsen biara 39,698 mae wɔ January ɔsram no mu. Afei nso, sɛ wɔkyekyem pɛpɛɛpɛ a, ɔdawurubɔfo biara nnɔnhwerew 13, akwampaefo aboafo nnɔnhwerew 50.7, ne akwampaefo atitiriw nnɔnhwerew 134.2 a wɔde kɔɔ asɛnka no nyinaa hyɛ nkuran. Yehowa ani sɔ ɔkra nyinaa mu a mo mu biara fi som no no.—Kol. 3:23, 24.

Dɛn na yebetumi ayɛ atu mpɔn wɔ asɛnka adwuma no fã yi mu, na ama yɛabu akontaa pɛpɛɛpɛ? Ɛsɛ sɛ Asafo Nhoma Adesua sohwɛfo no yɛ adwumaden paa de hwɛ hu sɛ ɔkyerɛwfo no nsa aka akontaabu no nyinaa ɔsram no akyi bere tiaa bi. Obetumi de akontaabu ho nkaebɔ ama wɔ nhoma adesua a etwa to wɔ ɔsram biara mu no ase. Ɛsɛ sɛ asafo mu ɔkyerɛwfo no hyehyɛ akontaabu no ntɛm na ama wahu nea ɛmmae biara na wahwɛ de aka dodow a ɔde kɔ Betel no ho ansa na ɔsram a edi hɔ no da a ɛto so 6 adu. Sɛ adawurubɔfo nyinaa de wɔn akontaabu ma ntɛm, na sɛ ɔkyerɛwfo no hyehyɛ no amonom hɔ ara a, yebenya kyerɛwtohɔ a edi mu ɔsram biara. Sɛ post office a ɛwɔ mo hɔnom no adwuma nni mu a, mpanyimfo no betumi afa telefon so de akontaabu no ama ansa na wɔde afa post office amena. Yɛn ani bɛsɔ paa sɛ mobɛbɔ mmɔden adi nhyehyɛe yi so ɔsram biara.