Nsɛm a Yebetumi Aka

Ahenni Asɛm a Ɛto so 38

“Yɛreyɛ ɔsatu bi wɔ wiase nyinaa de akyekyɛ asɛm a ɛho hia yi. Wo de ni.”

Monhyɛ no nsow: Nea ɛbɛyɛ na moatumi ayɛ mo asasesin nyinaa mu adwuma awie no, ma w’asɛm nyɛ tiawa. Nanso baabi wɔ hɔ a ebia ofiewura no bɛkyerɛ asɛm no ho anigye paa, na ebia n’ani begye ho sɛ motoa nkɔmmɔbɔ no so. Sɛ ɛba saa a, wubetumi abisa n’adwenkyerɛ wɔ asɛmmisa a ɛwɔ kratawa no anim no ho, akenkan mmuae a Bible de ma a ɛwɔ kratawa no mu akyerɛ no, na afei moasusuw kratawa no mu asɛm bi ho sɛnea bere bɛma kwan. Ansa na wubefi hɔ no, fa asɛmmisa a ɛwɔ “Hwɛ Asɛmmisa Yi” ase wɔ kratawa no akyi no kyerɛ no, na yɛ nhyehyɛe san kɔsra no na munsusuw ho.

Ɔwɛn-Aban December 1

“Ɛnnɛ adagyew nni hɔ koraa ma enti nkurɔfo nnya bere mpo a wɔde bedwen Onyankopɔn ho. Wohwɛ a, yehia Onyankopɔn wɔ yɛn abrabɔ mu? [Twɛn ma ommua.] Yesu kae wɔ ne Bepɔw so Asɛnka a agye din no mu sɛ yebenya anigye paa a, ade biako a ɛho hia ne sɛ yebehu yɛn honhom mu ahiade. [Kenkan Mateo 5:3.] Nsɛmma nhoma yi ma yehu nneɛma abiɛsa a enti yehia Onyankopɔn.”

Nyan! December

“Yɛn mu pii wɔ hɔ a yegyina nsɛm ho amanneɛbɔfo nsɛm so sisi gyinae. Wohwɛ a, nsɛm a yɛte no nyinaa na ɛyɛ nokware? [Twɛn ma ommua.] Bible no bɔ yɛn kɔkɔ sɛ yɛnhwɛ yiye wɔ atesɛm ho. [Kenkan Hiob 12:11.] Nsɛmma nhoma yi ma yɛn nyansahyɛ ahorow bi a ebetumi aboa ma yɛahwehwɛ nsɛm a yɛte anaa yɛkenkan no mu.”