Nhyehyɛe Ma Dapɛn a Efi Ase April 7
DAPƐN A EFI ASE APRIL 7
Dwom 15 ne Mpaebɔ
Asafo Bible Adesua:
cl ti 5 ¶9-17 (Simma 30)
Teokrase Ɔsom Sukuu:
Bible akenkan: Exodus 7-10 (Simma 10)
No. 1: Exodus 9:20-35 (Simma 4 anaa nea ennu saa)
No. 2: Ɛyɛɛ Dɛn na Yesu Baa Nkwa Mu?—fg adesua 4 asɛmmisa 1 (Simma 5)
No. 3: Satan—Onyankopɔn Tamfo—ol adesua 3 ¶18-19 (Simma 5)
Ɔsom Nhyiam:
10 min: Fa Nsɛmma Nhoma Ma wɔ April Mu. Ɔkasa ne nkɔmmɔbɔ. Di kan ma wɔmfa nsɛm a yebetumi aka a ɛwɔ kratafa yi no nyɛ ɔyɛkyerɛ mmienu mfa nkyerɛ sɛnea yebetumi de nsɛmma nhoma no ama. Afei, nsɛm a yebetumi aka de Ɔwɛn-Aban ne Nyan! ama no, munsusuw emu biara ho. Ansa na wobewie dwumadi no, hyɛ anuanom nyinaa nkuran ma wɔnkenkan nsɛmma nhoma no nhu mu nsɛm yiye, na wɔnyere wɔn ho mfa mma.
10 min: Mommma Mo Werɛ Mmfi Ahɔhoyɛ. (Heb. 13:1, 2) Ɔkasa a asafo mu panyin ma. San ka nhyehyɛe a mo asafo no ayɛ ama Nkaedi no ho asɛm. Kyerɛ akwan a yɛn nyinaa betumi afa so ada ahɔhoyɛ adi akyerɛ ahɔho a wɔbɛba Nkaedi no ne adawurubɔfo a wɔayɛ mmerɛw a wɔbɛba bi no. Ma wɔnyɛ ɔyɛkyerɛ ntiantiaa mmienu. Ɔyɛkyerɛ a edi kan no, ɔdawurubɔfo bi rema obi a yɛmaa no nsato krataa no bi akwaaba ansa na yɛafi dwumadi no ase. Nea ɛto so mmienu no, yɛapɔn; ɔdawurubɔfo no ne onii no rehyehyɛ ho na wakɔ ne nkyɛn akɔboa no.
10 min: Dɛn na Yetumi Yɛe? Ɔkasa ne nkɔmmɔbɔ. Wɔkae sɛ yɛmfa asɛm a ɛne, “Nea Ɛbɛma Yɛatu Mpɔn wɔ Asɛnka Mu—Sɛnea Yebebua Wɔn a Wɔmpɛ sɛ Wotie Asɛm No” nyɛ adwuma; ma atiefo nka sɛnea emu nyansahyɛ no aboa wɔn ne osuahu a ɛhyɛ nkuran.
Dwom 20 ne Mpaebɔ