Wubetumi Akyerɛkyerɛ Wo Gyidi Mu?

Sɛ obi bisa wo nea enti a wugye di sɛ Onyankopɔn na ɔbɔɔ ade a, dɛn na wobɛka akyerɛ no? Sɛ wubetumi afi ahotoso mu ama no mmuae a, ehia sɛ woyɛ nneɛma mmienu yi: Nea edi kan, ɛsɛ sɛ w’ankasa wuhu nea enti a wugye di sɛ obi na ɔbɔɔ nneɛma. (Ro 12:1, 2) Afei, ɛsɛ sɛ wudwinnwen sɛnea wobɛkyerɛkyerɛ wo gyidi mu akyerɛ afoforo no ho.​—Mme 15:28.

YI VIDEO AHOROW A YƐATO DIN OBI A ƆYƐ NNOMPE MU OPREHYƐN KYERƐKYERƐ NE GYIDI MU NE MMOA HO NIMDEFO BI KYERƐKYERƐ NE GYIDI MU NO, NA HWƐ NEA ENTI A EBINOM GYE DI SƐ ONYANKOPƆN NA ƆBƆƆ NNEƐMA. WUWIE A, BUA NSƐM A EDIDI SO YI:

• 

  Adɛn nti na Irène Hof Laurenceau nnye adannandi nni, mmom ogye di sɛ obi na ɔbɔɔ ade?

• 

  Adɛn nti na Yaroslav Dovhanych nnye adannandi nni, mmom ogye di sɛ obi na ɔbɔɔ ade?

• Nea enti a wugye di sɛ obi na ɔbɔɔ ade no, sɛn na wobɛkyerɛkyerɛ mu akyerɛ obi foforo?

• Nneɛma bɛn na Yehowa ahyehyɛde no ayɛ a ebi wɔ wo kasa mu a ebetumi aboa wo ne afoforo ama moahu sɛ Onyankopɔn na ɔbɔɔ biribiara?