MAY 6-12

• Dw 36:6—Bere a odwontofo no kaa sɛ Yehowa trenee te sɛ “mmepɔw akɛse [anaa, “Onyankopɔn mmepɔw,” ase hɔ asɛm]” no, ɛbɛyɛ sɛ na ɔrepɛ akyerɛ sɛn? (it-2 445)

  Kyerɛw wo mmuae hyɛ ha

• Bere a wotweetwee nnawɔtwe yi Bible akenkan mu no, dɛn na wuhui a wopɛ sɛ woka ho asɛm?

  Kyerɛw wo mmuae hyɛ ha

Atoyerɛnkyɛm a ɛresisi, akokoakoko, ne ɔhaw afoforo a nnipa akɔfa aba ama anuanom bebree ahwere wɔn agyapade, na ebinom nso ahwere wɔn adɔfo. Wei rekɔ so wɔ wiase baabiara. (Dw 9:​9, 10) Nea ɛyɛ awerɛhow ne sɛ, “ahohia bere” de, etumi ba putupuru; ɛreba a, ɛmmɔ nkae. Enti ɛsɛ sɛ yɛn nyinaa di kan yɛ ahoboa.

Nnuan ne nnuru ne nneɛma a ɛtete saa akyi no,a dɛn bio na yebetumi ayɛ de ayɛ ahoboa ama ahohia bere?

• Yɛ w’adwene yiye: Ma ɛntena wo tirim sɛ, atoyerɛnkyɛm betumi ato wo bere biara. Enti dwen ho hwɛ sɛ, ebi to wo a, dɛn na wobɛyɛ. Mfa wo koma nhyɛ w’agyapade mu. Ɛbɛboa na asɛm bi si a, woasi gyinae pa ntɛm, na woamfa wo nkwa ne w’ahobammɔ ansesa w’agyapade. (Ge 19:16; Dw 36:9) Afei nso, ɛbɛboa wo ama woate ase sɛ, agyapade de, etumi fi yɛn nsa bere biara. Enti sɛ atoyerɛnkyɛm si na wohwere w’agyapade a, ɛrenhaw wo kɛse.—Dw 37:19

• Fa wo werɛ hyɛ Yehowa mu: Nya Yehowa mu gyidi sɛ, obetumi ahwɛ wo, na ɔbɛyɛ nso. (Dw 37:18) Ansa na atoyerɛnkyɛm besi no, kae wo ho da biara sɛ Yehowa bɛkyerɛ ne nkurɔfo kwan na waboa wɔn; sɛ yɛn agyapade nyinaa fi yɛn nsa na sɛ yɛn ‘nkwa nko ara na yebenya no sɛ asade’ mpo a, Yehowa bɛhwɛ yɛn.—Yer 45:5; Dw 37:​23, 24

Sɛ yɛma Yehowa bɔhyɛ tena yɛn tirim da biara a, ɛkyerɛ sɛ yɛde no ayɛ yɛn “ahohia bere mu guankɔbea.”—Dw 37:39.

Yi VIDEO a yɛato din Woasiesie Wo Ho Ama Atoyerɛnkyɛm? Afei bisa sɛ:

• Sɛ atoyerɛnkyɛm si a, dɛn na Yehowa betumi ayɛ de aboa yɛn?

  Kyerɛw wo mmuae hyɛ ha

• Dɛn ne dɛn na yebetumi ayɛ de ayɛ ahoboa?

  Kyerɛw wo mmuae hyɛ ha

• Wɔn a atoyerɛnkyɛm ato wɔn no, dɛn na yebetumi ayɛ de aboa wɔn?

  Kyerɛw wo mmuae hyɛ ha