JUNE 16-22
MMEBUSƐM 18
Dwom 90 Ne Mpaebɔ | Nnianim Nsɛm (Simma 1)
1. Hyɛ Wɔn a Wɔreko Yare Nkuran
(Simma 10)
Ma nyansa a efi Onyankopɔn hɔ nkyerɛ wo kwan wɔ wo kasa mu (Mme 18:4; w22.10 22 ¶17)
Nea onipa no refa mu no, bɔ mmɔden sɛ wobɛte no ase (Mme 18:13; mrt asɛm 19 adaka)
Yɛ adamfo a ɔyɛ ɔboafo na ɔwɔ abotare (Mme 18:24; wp23.1 14 ¶3–15 ¶1)
BISA WO HO SƐ, ‘Sɛ me kunu anaa me yere yare wɔ ne nipaduam, anaa wanya adwene mu yare a, ɛdɛn na metumi ayɛ de aboa no ama wagyina ano?’
2. Tweetwee Bible Mu
(Simma 10)
Mme 18:18—Tete no, adɛn nti na na wɔbɔ ntonto? (it-2 271-272)
Bere a wotweetwee nnawɔtwe yi Bible akenkan mu no, dɛn na wuhui a wopɛ sɛ woka ho asɛm?
3. Bible Akenkan
(Simma 4) Mme 18:1-17 (th adesua 11)
4. Hyɛ Nkɔmmɔ Ase
(Simma 1) AFIE AFIE ASƐNKA. Kasa a onipa no ka no, wonte. (lmd adesua 2 nkyekyɛm 5)
5. Yɛ Sankɔhwɛ
(Simma 3) BAGUAM ADANSEDI. Fa no sɛ onipa no aka akyerɛ wo sɛ bɔ no tau. (lmd adesua 7 nkyekyɛm 4)
6. Yɛ Sankɔhwɛ
(Simma 3) BERE A WUNNI ASƐNKA MU. Ka Onyankopɔn Ahenni no ho asɛntitiriw bi kyerɛ onipa no. (lmd adesua 9 nkyekyɛm 5)
7. Kyerɛkyerɛ Wo Gyidi Mu
(Simma 4) Ɔyɛkyerɛ. ijwfq asɛm 29—Asɛmti: Mugye Di Sɛ Nnansia Paa Na Onyankopɔn De Bɔɔ Wiase? (lmd adesua 5 nkyekyɛm 5)
Dwom 144
8. Sɛnea Yɛbɛboa Yɛn Adɔfo Ama Wɔabɛn Yehowa ‘Bere a Yɛrenkasa Mpo’
(Simma 15) Ɔkasa ne nkɔmmɔbɔ.
Yɛn mu pii nim obi a seesei ɔnsom Yehowa. Ebetumi ayɛ yɛn kunu anaa yɛn yere, yɛn ba, anaa yɛn adamfo bi a ɔnkɔ asɛnka ne adesua bio. Woaka no denneennen anaa mpo woahyɛ no sɛ ɔmmɛsom Yehowa pɛn? Ɛwom sɛ yɛpɛ sɛ yɛboa onipa no de, nanso anhwɛ a nsɛm a yɛbɛka no betumi asɛe asɛm no koraa. (Mme 12:18) Ɛdɛn ne ɔkwampa a yebetumi afa so aboa onipa no?
Bible ka wɔ 1 Petro 3:1 sɛ, sɛ ɔbea bi kunu nsom Yehowa a, ‘obetumi anya no bere a ɔrenkasa mpo.’ Sɛ yɛn nuabea Kristoni bi kunu mpɛ sɛ ɔne no bɛka Bible ho asɛm koraa a, ɛno nkyerɛ sɛ ɔrentumi mmoa no mma ɔmmɛsom Yehowa. Onuawa no asua Bible ahu sɛ, ɛsɛ sɛ ɔyɛ n’ade wɔ ɔdɔ mu, ɔda ayamye adi, na ɔyɛ n’ade nyansam. Sɛ ɔyɛ saa a, ebetumi aboa ne kunu ama wabesua Yehowa ho ade. (Mme 16:23) Sɛ yɛda suban pa adi na yɛma yɛn kasa yɛ dɛ a, ebetumi aboa yɛn adɔfo a seesei wɔnyɛ Yehowa asomfo no.—Hwɛ Kol 4:6 ho asɛm a wɔato din “gracious”; ɛwɔ nwtsty-E anaa Adesua Bible, Borɔfo de no mu.
Yi VIDEO a yɛato din, Wɔn a Wɔako Denneennen Abɔ Gyidi No Ho Ban—Kristofo a Wɔn Ahokafo Nni Asafo No Mu. Afei bisa sɛ:
Onuawa Sasaki asɛm no, dɛn na ɛka kyerɛ wo?
Onuawa Ito asɛm no, dɛn na ɛka kyerɛ wo?
Onuawa Okada asɛm no, dɛn na ɛka kyerɛ wo?
9. Asafo Bible Adesua
(Simma 30) bt ti 27 ¶23-26, ne nnaka a ɛwɔ kr. 214, 217