Yehia Wiase Foforo!
Amanaman Nkabom kyerɛwfo panyin a yɛfrɛ no António Guterres kaa sɛ, “nneɛma agye nsam wɔ wiase yi mu.” Wo ne no nyɛ adwene?
Ɛnnɛ sɛ wutie kaseɛbɔ a, nsɛm a etu koma nko ara. Ebi ne:
Nyarewa a ate atese
Atoyerɛnkyɛm
Ohia ne ɔkɔm
Asaase yi ne mframa a wɔresɛe no
Atuturasɛm, awudisɛm, ne kɛtɛasehyɛ
Akodi
Biribiara kyerɛ sɛ yehia wiase foforo. Wiase a
Obiara benya apɔwmuden
Obiara benya ahobammɔ
Aduan bebu so
Obiara bɛhome mframa pa
Nsisi biara nni mu
Asomdwoe wom
Nanso sɛ yɛka wiase foforo a, ɛkyerɛ sɛn?
Dɛn na ɛbɛto saa wiase yi?
Dɛn na ɛsɛ sɛ yɛyɛ na yɛatumi atena wiase foforo no mu?
Ɔwɛn-Aban yi bɛboa yɛn ama yɛanya nsɛmmisa yi ne nsɛmmisa foforo ho mmuae afi Bible no mu. Mmuae a yebenya no bɛkyekye yɛn werɛ.