Ɛsɛ Sɛ Wɔde Abaa Hwe Abofra Anaa Ɛnsɛ Sɛ Wɔyɛ Saa?

Dedadedaw na wɔn a wosua mmofra ho ade no aka sɛ ɛnsɛ sɛ wɔde abaa hwe abofra. Nanso afei de wɔn mu binom resakra adwene a wokura yi wɔ ɔkwan bi so. Sɛ nhwɛso no adwene ho nimdefo F. Dodson kae sɛ: “Ɛrenyɛ yiye sɛ wobɛtete abofra a worenhwe no mpɛn ahorow bi. Sɛ abofra yɛ ‘katee na ommu ade a ɛsɛ sɛ wɔde abaa hwe no kakra na ama wate ne ho ase.’ Afei Louise Bates Ames a ɔyɛ adwuma wɔ adwumayɛbea bi a wodi mmofra nsɛm ho dwuma wɔ New Haven, Connecticut kae nnansa yi sɛ: “Nea abaa a wɔde hwe abofra no ka kyerɛ no ara ne sɛ wo bo afuw. Mmom ɛnyɛ ade bɔne sɛ obehu sɛ wo bo taa fuw no mpɛn horow bi.” Onipa Bɔfo no ma emu da hɔ pefee sɛ nteɛso a wɔde ma wɔ nipadua mu wɔ nyansa mu no ho ba mfaso ma mmofra esiane sɛ yɛn nyinaa anya bɔne ne pɛ a yɛnyɛ sɛ agyapade nti.​—Mmeb. 19:18; 22:15; 23:13, 14; 29:15.