“Ɔkatakyi A Ɔyɛ Nkɔmpew”

KWATA yɛ ɔyare a ɛyɛ hu na aka nnipa bɛyɛ ɔpepem 15, titiriw wɔ Afrika, India, Burma, Thailand, ne South America afã horow bi. Afei de ɛpra a wɔwɔ mu ahorow ahorow akron no na wobu no sɛ “ɔkatakyi a ɔyɛ nkɔmpew” wɔ ɔko a onipa ko tia ɔyare yi no mu.

Nanso ɔkwan bɛn so na saa aboa ketewaa a ɔwɔ anan anan a ne tenten yɛ bɛyɛ anammɔn abien, na ne mu duru yɛ nkaribo 15 na abona a ɛyɛ den katakata ne ho yi ho ba ɔko yi mu?

Wiɛ, wɔahu sɛ mmoa a kwata a ɛka nnipa no ntumi wɔn ne nkura ne ɛpra. Enti nyansahufo de ɛpra reyɛ aduru a wɔde bɛtete asiw kwata ano, efisɛ nkura susua dodow sɛ wɔde wɔn bedi dwuma. Ɛpra biako a wɔde ɔyare no mmoa bi ka no no ma wonya ntetee aduru no nsusuwii 750. Mprempren, wɔayeyɛ mfuw atitiriw bi wɔ United States ne Britania a wɔbɛyɛn saa aboa a ɔwɔ anan anan a abona katakata ne ho yi wɔ hɔ.