Awiei

NHOMAWA yi nka Yehowa Adansefo nyamesom gyidi nyinaa ho asɛm. Mmom no, yɛabɔ mmɔden sɛ yɛbɛkyerɛkyerɛ nnyinasosɛm ahorow a Adansefo no gye di no bi mu, na sɛ wo sukuuni no awofo no mu biako anaa baanu no nyinaa yɛ Adansefo a, yɛakyerɛ nkɛntɛnso ko a n’abusua nya wɔ ne so no pefee.

Yehowa Adansefo de wɔn adwene si wɔn mma honhom mu nkɔanim so kɛse. Na wɔwɔ ahotoso sɛ eyi boa ma wɔn mma nya nkɔanim wɔ nneɛma afoforo mu. Nneɛma a wogye di no ne nnyinasosɛm ahorow a wodi akyi no ma wɔn asetra nya atirimpɔw, na ɛboa wɔn ma wodi wɔn da biara da mu nsɛnnennen ho dwuma. Nea ɛka ho no, ɛsɛ sɛ saa gyidi ne nnyinasosɛm ahorow no ka wɔn ma wɔbɔ mmɔden sɛ wɔbɛyɛ asuafo a wɔyɛ nsi ne ɔmamma pa wɔ wɔn asetra nyinaa mu.

Adansefo no bɔ mmɔden sɛ wobenya asetra ho adwene a ɛfata, enti nhomasua ho hia wɔn yiye. Ne saa nti, wɔpɛ sɛ wɔne wo yɛ biako sɛnea wobetumi biara. Wɔ wɔn fam no, wɔbɛkɔ so ahyɛ wɔn mma nkuran, wɔ wɔn afie mu ne mmeae a wohyiam som wɔ wiase nyinaa, ma wɔayɛ wɔn fam de wɔ saa biakoyɛ a mfaso wɔ so yi mu.