Kɔ So Nya Nkɔanim

SO W’ANKASA wode afotu a ɛwɔ sukuu dwumadi yi mu no adi dwuma? So woadi dwumadi a wɔaka ho asɛm no ho dwuma awie? So wode ɔfã biara redi dwuma bere a worema ɔkasa, sɛ́ ebia ɛyɛ sukuu dwumadi anaa nhyiam afoforo ase, ne bere a wowɔ asɛnka mu no?

Kɔ so nya Teokrase Ɔsom Sukuu ntetee so mfaso. Ɛmfa ho bere tenten a wode ama ɔkasa ahorow no, mmeae binom wɔ hɔ a wubetumi anya mu nkɔso.