Nnwinnade a Ɛkyerɛkyerɛ, Ɛhyɛ Nkuran, na Ɛma Denhyɛ
1 Ɛma nkurɔfo tumi sua Bible no na wohu Yehowa Adansefo ho nsɛm pii. Ahyɛ nnipa pii nkuran ma wɔakura nokware no mu pintinn. Aboa Onyankopɔn nkurɔfo a wɔahyira wɔn ho so ma wɔanya gyidi ne anisɔ kɛse. Nnwinnade bɛn ne no? Video ahorow a Yehowa ahyehyɛde no ayɛ no. So woahwɛ du no nyinaa? Bere bɛn? So wode di dwuma wɔ asɛnka mu? Wobɛyɛ dɛn atumi anya nnwinnade a edi mu yi so mfaso kɛse?
2 July 1, 1999, Ɔwɛn-Aban no mu asɛm “Munsua Onyankopɔn Asɛm Daa Sɛ Abusua” no de nyansahyɛ mae sɛ ‘yebetumi de yɛn adesua bere no bi asi hɔ ahwɛ Asafo ti no video ahorow a asuade wom no, na afei yɛasusuw ho.’ Esiane saa afotu pa yi nti, yɛbɛka video ahorow ho asɛm wɔ Ɔsom Nhyiam no mu wɔ asram abien biara mu. Yɛhyɛ obiara nkuran sɛ ɔnhwɛ video no wɔ fie ansa na yɛasusuw ho wɔ Ɔsom Nhyiam no mu.
3 Yɛde video a yedii kan yɛe, Jehovah’s Witnesses—The Organization Behind the Name, no befi ase ɔsram yi. Hwɛ na tie nsɛmmisa yi ho mmuae:
◼ Dɛn na ɛma wonim Yehowa Adansefo yiye?
◼ Biribiara a wɔyɛ wɔ Betel no gyina kyerɛwsɛm bɛn so?
◼ Bible mu nhwɛso bɛn na wuhui sɛ wɔayi akyerɛ, atwa ho mfonini na wɔde aba nhoma ahorow mu?
◼ Dɛn na w’ani gye ho wɔ sɛnea wotintim yɛn nhoma no ho?
◼ Efi 1920 kosi 1990 mu no, nhoma dodow ahe na Asafo ti no tintimii?
◼ Onyankopɔn asomfo bɛn na yehia wɔn titiriw wɔ Betel?—Mmeb. 20:29.
◼ Akwan bɛn so na Betel abusua no yɛ nhwɛso pa ma Yehowa Adansefo nyinaa?
◼ Dɛn na w’ani gye ho wɔ adwuma a wɔyɛ wɔ Betel de boa nnipa pii ma wɔte asɛmpa no ho?
◼ Ɔkwan bɛn so na wonya sika de boa wiase nyinaa adwuma no?
◼ Dwumadi bɛn na yebetumi aboa kɛse, na su bɛn na ɛsɛ sɛ yenya wɔ ho?—Yoh. 4:35; Aso. 1:8.
◼ Wubu ahyehyɛde a yɛn din no da so no dɛn?
◼ Ɔkwan bɛn so na wubetumi de video yi adi dwuma wɔ asɛnka mu?
Wɔ December mu no, yɛbɛka The Bible—Accurate History, Reliable Prophecy video no ho asɛm.