‘Asɛm a Wɔka Wɔ Bere a Ɛfata Mu’
1 So ɛyɛ den ma wo sɛ wobɛka asɛm no akyerɛ nkurɔfo? Wote nka sɛ ɛsɛ sɛ woka asɛm bi a edi mu paa ansa na w’atiefo ani agye? Bere a Yesu somaa n’asomafo no, ɔka kyerɛɛ wɔn sɛ: “Na mokɔ a, monkɔka sɛ: Ɔsoro ahenni no abɛn.” (Mat. 10:7) Na ɛnyɛ den sɛ wɔbɛka asɛm no akyerɛ afoforo. Saa ara na ɛte nnɛ.
2 Mpɛn pii no, nsɛm kakraa bi na ɛsɛ sɛ yɛka de fi nkɔmmɔbɔ ase. Bere a Filipo hyiaa Etiopiani piani no, obisaa no sɛ: “So wote nea wokan yi ase anaa?” (Aso. 8:30) Hwɛ sɛnea mfaso baa ‘asɛm a wɔkae wɔ bere a ɛfata mu’ no so!—Meb. 25:11.
3 Wubetumi afa saa kwan yi so wɔ asɛnka mu. Ɔkwan bɛn so? Ɛne sɛ wobɛma w’ani ada hɔ na woaka asɛm a ɛfata wɔ ne bere mu. Bisa asɛm bi na tie sɛnea wobebua.
4 Nsɛmmisa a Ɛfata: Sɛ wopɛ sɛ wufi nkɔmmɔbɔ ase a, wubetumi abisa nsɛm yi mu biara:
◼ “So moka Awurade Mpaebɔ (anaa, ‘Yɛn Agya a Wowɔ Soro’) wɔ mo som mu?” (Mat. 6:9, 10) Ka mu asɛm bi na fa eyi toa so: “Ebinom bisa sɛ, ‘Dɛn ne Onyankopɔn din a Yesu kae sɛ ɛho ntew no?’ Afoforo nso bisa sɛ, ‘Dɛn ne Ahenni a Yesu kae sɛ yɛmmɔ ho mpae no?’ So woanya eyinom ho mmuae a ɛfata?”
◼ “So woasusuw ho pɛn sɛ: ‘Dɛn ne asetra atirimpɔw?’” Kyerɛ sɛ Onyankopɔn ho nimdeɛ ho hia wɔ ha.—Ɔsɛnk. 12:13; Yoh. 17:3.
◼ “Wususuw sɛ owu befi hɔ da bi?” Fa asɛm a ɛwɔ Yesaia 25:8 ne Adiyisɛm 21:4 no ma mmuae a ɛfata.
◼ “So ɔhaw a ɛwɔ wiase no ano aduru ankasa wɔ hɔ?” Kyerɛ sɛ Onyankopɔn ka sɛ ‘yɛnnɔ yɛn yɔnko sɛ yɛn ho!’—Mat. 22:39.
◼ “So asiane bi a ebesi wɔ wim bɛma yɛn asase yi asɛe da bi?” Ka Bible bɔhyɛ a ɛkyerɛ sɛ asase rensɛe da biara da no ho asɛm.—Dw. 104:5.
5 Fa ɔkwantiaa so ka asɛmpa no kyerɛ wɔ ayamye mu. Yehowa behyira “asɛm” biara a wobɛka de akyerɛkyerɛ nokware no mu akyerɛ afoforo no so.