Nea Yɛbɛka Afa Nsɛmma Nhoma Ho

Ɔwɛn-Aban Apr. 15

“Ɛmfa ho sɛ ɛhe na nkurɔfo te no, wɔn ani gye ho sɛ wobenya ahobammɔ, te sɛ adwuma pa a wobenya ayɛ. Nanso so woasusuw ho pɛn sɛ baabi wɔ hɔ a yebenya ahobammɔ a enni awiei, na ama woatumi anya ahotɔ daa? [Kenkan Dwom 16:8, 9.] Ɔwɛn-Aban yi kyerɛ baabi a yebetumi anya ahobammɔ ankasa.”

Nyan! May 8

“Nnipa a wɔwɔ hɔ nnɛ no mu pii refi wɔn som mu asom Onyankopɔn wɔ ɔkwan a wɔpɛ so. Wote nka dɛn wɔ eyi ho? [Ma ommua.] Bible no kyerɛ sɛ sɛnea yɛsom Onyankopɔn no ho hia no ankasa. [Kenkan Yohane 4:24.] Nyan! yi ka ɔkwan a eye sen biara a wobɛfa so adi wo honhom fam ahiade ho dwuma ho asɛm.”

Ɔwɛn-Aban May 1

“So wunim obi a ɔyare denneennen anaasɛ wadi dɛm? Akyinnye biara nni ho sɛ wugye tom sɛ saafo no hia nkuranhyɛ. Nanso, asɛm bɛn na yebetumi aka de aboa wɔn? Bible ka nsɛm a ɛma anidaso. [Kenkan Yesaia 35:5, 6.] Ɔwɛn-Aban yi kyerɛkyerɛ nea enti a yebetumi agye adi sɛ nkɔmhyɛ yi bɛbam no mu.”

Nyan! May 8

“Wɔ afe a etwaam yi mu no, asomdwoe ho baa asɛm sen bere biara a atwam. So wususuw sɛ nnipa nniso betumi de wiase asomdwoe aba? [Sɛ obua wie a, kenkan Yesaia 2:4.] Saa Nyan! yi kyerɛ nea enti a yebetumi agye adi sɛ ɛrenkyɛ yebenya asomdwoe wɔ wiase no.”