Nea Yɛbɛka Afa Nsɛmma Nhoma Ho

Ɔwɛn-Aban Feb. 15

“Nnipa bi susuw ho sɛ ebia Onyankopɔn teasefo bi wɔ hɔ anaa. Afoforo ka sɛ ɔwɔ hɔ nanso wɔte nka sɛ ɔne wɔn ntam kwan ware. So woahyɛ eyi nsow? [Ma ommua.] Hyɛ nea enti a Onyankopɔn a w’ankasa wubehu no no ho hia kɛse no nsow. [Kenkan Yohane 17:3.] Ɛdefa eyi ho no, wubehu sɛ nsɛmma nhoma yi mu nsɛm a edi kan no yɛ anigye.”

Nyan! Mar. 8

“So wususuw sɛ nea Onyankopɔn pɛ ne sɛ nnipa, a mmofra ka ho, rennya aduampa nni? [Ma ommua.] Hyɛ bɔhyɛ a awerɛkyekye wom a Bible de ma yi nsow. [Kenkan Dwom 72:16.] Saa Nyan! yi susuw nneɛma a ɛmma wonnya aduampa nni, ne ne titiriw paa no, Onyankopɔn bɔhyɛ a ɛne sɛ ɔde bɛba awiei nnansa yi ara no ho.”

Ɔwɛn-Aban Mar. 1

“Yɛpɛ sɛ wokyerɛ w’adwene wɔ kyerɛwsɛm a ɛyɛ anigye yi ho. [Kenkan Mateo 5:10.] Ɛbɛyɛ dɛn na obi ani atumi agye bere a wɔretaa no no? [Ma ommua.] Nsɛm abien a edi kan wɔ nsɛmma nhoma yi mu ka ebinom a wonyaa anigye ɛmfa ho sɛ na wɔrehu amane no ho asɛm. W’ani begye sɛ wobɛkenkan ɔkwan a wɔfaa so nyaa saa anigye no.”

Nyan! Mar. 8

“So wunnye ntom sɛ ɛmfa ho asetram haw ahorow no, yɛda so ara wɔ biribi a yebegyina so de aseda ama? [Ma ommua.] Ade biako nti a ɛsɛ sɛ yɛde aseda ma ne sɛnea wɔyɛɛ yɛn no. [Kenkan Dwom 139:14.] Hwɛ aseda ara a yebetumi de ama sɛ yɛwɔ nkate a ehia na ama yɛate sɛnea nkwa som bo fa no ase, sɛnea Nyan! yi kyerɛkyerɛ mu no!”