Nea Yɛbɛka Afa Nsɛmma Nhoma Ho

Ɔwɛn-Aban Feb. 1

“Yɛn mu dodow no ara bɔ mmɔden sɛ yebenya apɔwmuden. Nanso, nhwehwɛmu a wɔayɛ nnansa yi kyerɛ sɛ, sɛ yebenya apɔwmuden a, ne fã bi gyina yɛn nyamesom so. So wususuw sɛ ɛte saa? [Ma ommua. Afei kenkan Mateo 5:3.] Ɔwɛn-Aban yi kyerɛ sɛnea yebetumi asom Onyankopɔn.”

Nyan! Feb. 8

“Nnipa pii nnya wɔn ho atwaye ma enti ehia sɛ wogye wɔn ahome. Ebia wubegye asɛm a adi bɛboro mfe 3,000 yi no atom. [Kenkan Ɔsɛnkafo 4:6. Afei ma ɔnkyerɛ n’adwene.] Nyan! yi boa yɛn ma yehu sɛnea yebenya bere ada.”

Ɔwɛn-Aban Feb. 15

“Nneɛma bɔne a wɔayɛ wɔ nyamesom din mu no haw nnipa pii. Ebinom te nka sɛ nyamesom na ɛde ɔhaw ahorow a nnipa hyia no nyinaa aba. So woadwen eyi ho pɛn? [Ma ommua. Afei kenkan Adiyisɛm 18:24.] Nsɛmmma nhoma yi hwehwɛ nea Bible ka fa eyi ho no mu.”

Nyan! Mar. 8

“Nnipa pii ani gye ho sɛ wobesua mmoa ho ade, na ebinom ani gye mmoayɛn ho. [Ma ɔnkyerɛ n’adwene.] Nsɛmma nhoma yi ka nsɛnnennen a ɛwɔ mmoayɛn mu ho asɛm. Ɛsan kyerɛ Onyankopɔn bɔhyɛ a ɛne sɛ bere bi bɛba a asomdwoe bɛtra mmoa ne mmoa ne nnipa ntam.” Kenkan Yesaia 11:6-9.