Ɔwɛn-Aban INTANƐT SO NHOMAKORABEA
Ɔwɛn-Aban
INTANƐT SO NHOMAKORABEA
Twi
?
  • ã
  • á
  • ẽ
  • é
  • ɛ
  • ɛ̃
  • ĩ
  • õ
  • ɔ
  • ũ
  • Ã
  • Á
  • Ẽ
  • É
  • Ɛ
  • Ɛ̃
  • Ĩ
  • Õ
  • Ɔ
  • Ũ
  • BIBLE
  • NHOMA
  • ASAFO NHYIAM
  • km 4/03 kr. 1
  • ‘Wɔhyerɛn sɛ Akanea’

Nea woapaw yi, video biara nni ho.

Yɛsrɛ wo, video no antumi ammɔ.

  • ‘Wɔhyerɛn sɛ Akanea’
  • Yɛn Ahenni Som—2003
  • Nsɛm a Ɛne No Di Nsɛ
  • Mmofra a Wɔhyerɛn sɛ Akanea
    Yɛn Ahenni Som—2006
  • Yɛn Hann a Yɛbɛma Akɔ so Ahyerɛn
    Yɛn Ahenni Som—1995
  • “Momma Mo Kanea Nhyerɛn”
    Yɛn Ahenni Som—2001
  • Nnwuma Pa a Ɛhyɛ Yehowa Anuonyam
    Ɔwɛn-Aban Ɛka Yehowa Ahenni Kyerɛ—1996
Hwɛ Pii Ka Ho
Yɛn Ahenni Som—2003
km 4/03 kr. 1

‘Wɔhyerɛn sɛ Akanea’

1 Nnipa bɛboro ɔpepem asia a wɔsom nokware Nyankopɔn, Yehowa no ‘rehyerɛn sɛ akanea’ wɔ nsase 234 so wɔ wiase nyinaa wɔ mprempren nneɛma nhyehyɛe a aduru sum mu wɔ honhom ne abrabɔ fam no mu. (Fil. 2:15) Eyi ma yɛda nsow. Ɔkwan bɛn so na yɛda nokware hann a efi Yehowa nkyɛn a ɛsom bo no adi?—2 Kor. 3:18.

2 Yɛn Nneyɛe: Ɛnyɛ den koraa sɛ nkurɔfo behu yɛn nneyɛe. (1 Pet. 2:12) Ɔbea bi kae sɛ na ne yɔnko dwumayɛni bi a ɔyɛ Ɔdansefo no yam ye, ɔboa afoforo, na na ɔnka kasafĩ anaa ɔnserew bere a woyi aseresɛm a ɛmfata no. Sɛ afoforo bɔ mmɔden sɛ wɔbɛka kasafĩ de ahyɛ Ɔdansefo no abufuw a, ɔnkasa, nanso ogyina pintinn wɔ nea ɛteɛ ho. Nkɛntɛnso bɛn na eyi nyae wɔ ɔbea no so? Ɔka sɛ: “M’ani gyee ne suban ho araa ma mifii ase bisabisaa Bible no ho nsɛm. Mifii ase suaa Onyankopɔn Asɛm, na akyiri yi wɔbɔɔ me asu.” Ɔtoa so sɛ: “Ne suban na ɛkaa me ma mehwehwɛɛ Yehowa Adansefo gyidi mu.”

3 Suban a yɛda no adi wɔ atumfoɔ ho, adwene a yekura wɔ wiase nneyɛe ho, ne kasa a ɛho tew a yɛka no ma Yehowa Adansefo da nsow sɛ nnipa a wɔde Bible gyinapɛn ahorow a ɛkorɔn no di dwuma. Nnwuma pa a ɛte saa no hyɛ Yehowa anuonyam na ɛtwetwe afoforo ba ne som ho.

4 Nsɛm a Yɛka: Nokwarem, ebia wɔn a wohu yɛn nneyɛe pa no ntumi nhu nea enti a yɛda nsow no gye sɛ yɛka yɛn gyidi ho asɛm kyerɛ wɔn. So wɔn a wo ne wɔn yɛ adwuma anaa wo ne wɔn kɔ sukuu no nim sɛ woyɛ Yehowa Dansefo? So wohwehwɛ hokwan ahorow de dan nkɔmmɔbɔ adansedi? So woasi wo bo sɛ ‘wobɛma wo kanea ahyerɛn nnipa anim’ wɔ tebea biara a ɛfata mu?—Mat. 5:14-16.

5 Hann kurafo a yɛbɛyɛ no hwehwɛ sɛ yɛda ahofama su adi. Koma nyinaa mu a yebefi ayɛ ade no bɛkanyan yɛn ma yɛabu yɛn ani agu nneɛma a ɛho nhia pii so na yɛayɛ nea yebetumi biara wɔ asɛnka ne asuafoyɛ adwuma a ɛma nkwa no mu.—2 Kor. 12:15.

6 Ɛmmra sɛ yɛnam nsɛm a yɛka ne yɛn nneyɛe so bɛkɔ so ahyerɛn sɛ akanea. Sɛ yɛyɛ saa a, ebetumi aka afoforo ma wɔabɛka yɛn ho ma yɛahyɛ Yehowa anuonyam.

    Twi Nhoma Ahorow (1980-2025)
    Fi Mu
    Kɔ Mu
    • Twi
    • Fa Mena
    • Yɛ Nsakrae a Wopɛ Wɔ Ha
    • Copyright © 2025 Watch Tower Bible and Tract Society of Pennsylvania
    • Wɛbsaet No Ho Nhyehyɛe
    • Sɛnea Yɛde Wo Ho Nsɛm Di Dwuma
    • Kyerɛ Sɛnea Wopɛ Sɛ Yɛde Wo Ho Nsɛm Di Dwuma
    • JW.ORG
    • Kɔ Mu
    Fa Mena