Nea Yɛbɛka Afa Nsɛmma Nhoma Ho

Ɔwɛn-Aban June 1

“Nnipa binom te nka sɛ ɛho nhia sɛ wɔde wɔn ho hyɛ nyamesom kuw bi mu de som Onyankopɔn. Woasusuw ho pɛn? [Twɛn ma ommua.] Nsɛmma nhoma yi hwehwɛ sɛnea Onyankopɔn ne nnipa dii nsɛm wɔ tete bere mu no mu. Ɛsan susuw nea Onyankopɔn a yɛbɛsom no wɔ nokware mu no kyerɛ ho.” Kenkan Yohane 4:24.

Nyan! June 8

“Nnipa pii ayɛ ankonam nnɛ. Kyerɛ sɛ, wɔte nka sɛ afoforo ayi wɔn baako ahyɛ wɔn nsa. Wunnye nni sɛ eyi bɛyɛ yaw? [Twɛn ma ommua. Afei kenkan Dwom 25:16.] Nyan! yi de sɛnea wɔko tia ankonamyɛ ho nyansahyɛ a mfaso wɔ so ma.”

Ɔwɛn-Aban June 15

“So wonnye ntom sɛ mmofra ntetee wɔ nnɛyi wiase mu ɛyɛ den? [Twɛn ma ommua.] Hyɛ awerɛhyem a ɛkyerɛ sɛ awofo betumi atete wɔn mma yi nsow. [Kenkan Mmebusɛm 22:6.] Ɔwɛn-Aban yi de afotu pa a ɛbɛboa awofo ma wɔatumi ayɛ adwumaden yi ma.”

Nyan! June 22

“Ebinom te nka sɛ Onyankopɔn mu gyidi ne nyansahu nhyia. Nanso na wunim sɛ nyansahufo binom ka sɛ nyansahu ankasa foa Ɔbɔadeɛ bi mu gyidi so? [Twɛn ma ommua.] Nyan! yi ka adanse a ɛma wɔkaa saa no bi ho asɛm.” Kenkan Romafo 1:20.