Nea Yɛbɛka Afa Yɛn Nsɛmma Nhoma Ho

Ɔwɛn-Aban June 1

“Bere bi a atwam no, na wɔde obu ma nkwakoraa ne mmerewa wɔ aman pii mu sɛnea yehu wɔ tete mmara yi mu no. [Kenkan Leviticus 19:32.] Wususuw sɛ nnipa pii da obu a ɛte saa adi nnɛ? [Twɛn ma ommua.] Nsɛmma nhoma yi susuw sɛnea Onyankopɔn dwene nkwakoraa ne mmerewa ho ne sɛnea yɛn nso yebetumi ayɛ saa no ho.”

Awake! June

“Amumɔyɛsɛm fii ase akyɛ, nanso seesei de ɛrekɔ so wɔ wiase nyinaa, na ɛka obiara. Wususuw sɛ dɛn na ama aba saa? [Twɛn ma ommua.] Awake! yi nam Bible no so kyerɛ bere a amumɔyɛsɛm to betwa ne sɛnea Onyankopɔn bɛma asomdwoe ankasa aba asase so no mu.” Kenkan Mika 4:4.

Ɔwɛn-Aban June 15

“Wususuw sɛ ɔhaw a yehyia nyinaa akyi no, yebetumi anya anigye? [Twɛn ma ommua.] Saa nsɛmma nhoma yi kyerɛ yɛn baabi a yebetumi anya akwankyerɛ a ɛbɛboa yɛn ma yɛadi asetra mu nsɛnnennen no ho dwuma. Ɛsan ka sɛnea nokware anidaso a obi wɔ no tumi hyɛ no den no ho asɛm.” Kenkan Adiyisɛm 21:3, 4.

Awake! June

“So wunnye ntom sɛ asiane ahorow a asisi nnansa yi no si hia a ɛho hia sɛ yetie kɔkɔbɔ no so dua? [Twɛn ma ommua.] Asɛm yi kyerɛkyerɛ asuade a nnipa a wonyaa wɔn ti didii mu wɔ Katrina Ahum a etui mu nyae no mu. Ɛsan ka kɔkɔbɔ bi a ehia a ɛsɛ sɛ yɛn nyinaa tie nnɛ no ho asɛm.” Fa asɛm a ɛwɔ kratafa 14 no kyerɛ no.