Nea Yɛbɛka Afa Yɛn Nsɛmma Nhoma Ho

Ɔwɛn-Aban Aug. 1

“Ɛnnɛ, nnipa pii te nka sɛ wɔn so nni mfaso. Wususuw sɛ dɛn na yebetumi ayɛ de aboa wɔn? [Twɛn ma ommua.] Nsɛmma nhoma yi ka sɛnea Bible betumi aboa nnipa a wɔte saa ma wɔanya anigye ankasa ho asɛm.” Si kyerɛw nsɛm a wɔakyerɛw no akɛse akyeakyea no a ɛwɔ asɛm “Bible Betumi Aboa Wo Ma Woanya Anigye” no so dua.

Nyan! Aug. 8

“Ehu akyekyere nnipa pii. Wususuw sɛ dɛn na ama nnipa abɔ hu saa? [Twɛn ma ommua.] Nsɛmma nhoma yi de nyansahyɛ a mfaso wɔ so ma wɔ sɛnea yebetumi abɔ yɛn ho ban afi asiane a ɛtaa si ho. Ɛsan ka wiase a ehu nnim a Bible ahyɛ ho bɔ no ho asɛm.” Kenkan Yesaia 11:9.

Ɔwɛn-Aban Aug. 15

“Sɛ obi wu a, ɛyɛ a nnipa pii dwennwen nea ɛba no so no ho. Wususuw sɛ yebetumi ate nea owu kyerɛ ase? [Twɛn ma ommua.] Nsɛmma nhoma yi kyerɛkyerɛ nea Bible ka fa tebea a awufo wom ho no mu. Ɛsan ka yɛn adɔfo a wɔawuwu a Onyankopɔn ahyɛ bɔ sɛ obenyan wɔn no ho asɛm.” Kenkan Yohane 5:28, 29.

Nyan! Aug. 22

“Wunim sɛ kwan a wotu kɔ baabi nsrahwɛ no abɛyɛ ade a edi kan a ɛma ɔmanfo nya adwuma yɛ paa wɔ wiase? [Twɛn ma ommua.] Nsrahwɛ a ɛrenya nkɔanim no de mfaso ne ɔhaw ahorow aba. Nsɛmma nhoma yi kyerɛkyerɛ nea eye ne nea enye wɔ nsrahwɛ adwuma ho no mu. Ɛsan de nyansahyɛ a mfaso wɔ so ma wɔn a wotu kwan kɔ aman afoforo so no.”