Nsɛm a Yɛbɛtumi Aka

De Afi Bible Adesua Ase wɔ Memeneda a Edi Kan wɔ September Mu

“Nnipa pii gye di sɛ abɔfo wɔ hɔ. Wo nso ɛ, wogye di sɛ wɔwɔ hɔ? [Twɛn ma ommua.] Abɔfo yɛ ahonhom na wɔwɔ tumi paa, nanso wohwɛ a wɔbɛtumi aboa yɛn? Bible no ma yɛhu sɛnea wɔboa nnipa nnɛ.” Fa asɛm a ɛwɔ September 1 Ɔwɛn-Aban no akyi kyerɛ no, na munsusuw asɛm a ɛwɔ asɛmmisa a edi kan no ase no ho; anyɛ yiye koraa no monkenkan kyerɛwsɛm baako na munsusuw ho. Fa nsɛmma nhoma no ma no, na yɛ nhyehyɛe san kɔsra no na munsusuw asɛmmisa a edi hɔ no ho.

Ɔwɛn-Aban September 1

“Wohwɛ baabi a nnipa asɛe asase akodu no a, asase bɛtumi asi ne dedaw mu bio? [Twɛn ma ommua.] Ɛwom, baabi a asase asɛe akodu no, nnipa rentumi nsiesie, nanso Bible ka sɛ Onyankopɔn bɛtumi asiesie asase no na ɔbɛyɛ nso. Dwom 65:9 ma yɛnya saa awerɛhyem no. [Kenkan.] Ɔwɛn-Aban yi ka sɛnea Onyankopɔn besiesie asase no ne nea yɛyɛ a ɛbɛma yɛn nsa aka saa nhyira no. Wopɛ a mede eyi bɛma wo na ɛyɛ a woakenkan.”

Nyan! September

“Nnipa pii te nka sɛ wɔn adwumawuranom twe wɔn mu araa ma wɔgye wɔn ho baabiara a, ɛnnye. Abenfo bi ka sɛ sɛ obi yɛ adwuma na wannye n’ahome a ɛbɛtumi adi no awu. Wohwɛ a, dɛn na ɛbɛtumi aboa obi na adwuma amfa no anyɛ akoa? [Twɛn ma ommua.] Hwɛ afotu a ɛwɔ Bible mu yi. [Kenkan Ɔsɛnkafo 4:6.] Saa nhoma yi kyerɛ akwan nnan a yɛbɛtumi afa so ayɛ nhyehyɛe pa na adwuma anhyɛ yɛn so.”