Ma Tumi a Ɛwɔ Onyankopɔn Asɛm Mu Nna Adi Wɔ Asɛnka Mu

Sɛ obi ma yɛn kwan sɛ yɛnka asɛmpa no nkyerɛ no a, yɛntoto hokwan a ɛte saa ase koraa. Yɛma no hu tumi a ɛwɔ Onyankopɔn Asɛm mu. Ɔkwan bɛn so? Yɛne no resusu biribi ho a, yɛbue Bible mu kenkan asɛm no tẽẽ. Wɔsii wei so dua wɔ da koro nhyiam titiriw a yɛyɛɛ no afe a ɛtwaam no mu. Ɔmansin sohwɛfo no maa ɔkasa bi a wɔato din “Ma Tumi a Ɛwɔ Onyankopɔn Asɛm Mu Nna Adi Wɔ Asɛnka Mu.” Wokae ɔkasa no mu nsɛntitiriw no?

• Adɛn nti na tumi wɔ Yehowa asɛm mu sen nnipa asɛm?—2 Tim. 3:16, 17.

• Ɔkwan bɛn so na Bible no tumi pusu nnipa, tenetene wɔn nsusui, na ɛma wɔyɛ nsakrae wɔ wɔn gyidi ne wɔn abrabɔ mu?—Hwɛ June 15, 2012 Ɔwɛn-Aban, kr. 27, nky. 7.

• Sɛ yɛrekan Bible mu asɛm akyerɛ obi a, dɛn na ɛbɛma wahu sɛ ɛyɛ Onyankopɔn Asɛm ma enti ɛsɛ sɛ ɔfa no aniberesɛm?—Hwɛ Ɔsom Sukuu nwoma no kr. 148, nky. 3-4 ne March 2013 Yɛn Ahenni Som, kr. 6, nky. 8.

• Sɛ yɛkan kyerɛwsɛm bi wie a, adɛn nti na ɛhia sɛ yɛkyerɛkyerɛ mu na yɛne ofiewura no susu ho? Sɛn na yɛbɛyɛ no?—Aso. 17:2, 3; hwɛ Ɔsom Sukuu nwoma no kr. 154, nky. 4 kɔsi kr. 156, nky. 4.