Yɛte “Nna a Edi Akyiri” No Awiei, Enti Kɔ So Ara Siesie Wo Ho

Yɛte “nna a edi akyiri no” awiei, enti ɛsɛ sɛ yɛhwɛ kwan sɛ nneɛma mu bɛkɔ so ayɛ den. (2Ti 3:1; nwtsty Mt 24:8 ho adesua asɛm) Sɛ atoyerɛnkyɛm bi si a, ɛyɛ a Yehowa ma ne nkurɔfo akwankyerɛ a ɛbɛbɔ wɔn ho ban. Sɛ biribi saa si na yebenya yɛn ti adidi mu a, gye sɛ yɛhyɛ yɛne Yehowa ntam adamfofa no mu den seesei, na yesiesie yɛn ho sie.—Lu 16:10.

• Hyɛ wo ne Yehowa ntam adamfofa no mu den: Nneɛma a yɛyɛ de som Yehowa te sɛ adesua, asɛnka ne nea ɛkeka ho no, ɛnsɛ sɛ yɛtoto no ase, ɛsɛ sɛ yɛyere yɛn ho yɛ. Akwan a yɛfa so ka asɛmpa no, bɔ mmɔden hu ne nyinaa ani so. Afei nso, sɛ biribi si ma enti wukodi baabi a anuanom nni a, mma wo yam nnhyehye wo. (Yes 30:15) Kae sɛ baabiara a wohyɛ biara, Yehowa ne Yesu ka wo ho.—od 176 ¶15-17

• Siesie wo ho sie: Ɛsɛ sɛ obiara hyehyɛ nneɛma kakra a obehia gu ne go-bag mu si hɔ. Ɛno da nkyɛn a, ɛsɛ sɛ abusua biara pɛ nnuan, nsu, nnuru, ne nneɛma a ɛtete saa nkakrankakra si hɔ, sɛnea ɛbɛyɛ a sɛ biribi si na muntumi mpue a, mo ho ankyere mo.—Mme 22:3; g17.5 4, 6

HWƐ VIDEO A YƐATO DIN WOASIESIE WO HO AMA ATOYERƐNKYƐM? NO. WUWIE A, BUA NSƐMMISA A EDIDI SO YI:

• 

  Sɛ yɛma yɛne Yehowa adamfofa mu yɛ den a, sɛn na ɛbɛboa yɛn bere a atoyerɛnkyɛm asi?

• 

  Adɛn nti na ehia sɛ . . .

  • yɛne mpanyimfo no ntam yɛ papa?

  • yɛhyehyɛ nneɛma kakra a yebehia gu bag mu si hɔ?

  • atoyerɛnkyɛm ahorow a ebetumi asisi wɔ baabi a yɛte no, yesusuw ho, na sɛ ebi si a yɛahu nea yɛbɛyɛ?

• 

  Nneɛma mmiɛnsa bɛn na yebetumi ayɛ de aboa wɔn a atoyerɛnkyɛm ato wɔn?

BISA WO HO SƐ, ‘COVID-19 yare no bae yi, nneɛma bɛn na masua a ebetumi aboa me ma masiesie me ho ama atoyerɛnkyɛm?’