KRISTOFO ABRABƆ

Sɛ Ɔman No Sikasɛm Yɛ Basaa a, Dɛn Na Wobɛyɛ? Woasiesie Wo Ho?

Nneɛma bi tumi sisi ma wiase sikasɛm yɛ basaa. Ɛba saa a, ɛnyɛ yɛn nwanwa. Adɛn ntia? Efisɛ baabi a yɛadu wɔ awiei mmere yi mu no, aka to na borɔ na awiei no aba. Bible nso bɔ yɛn kɔkɔ sɛ yɛnhwɛ na yɛamfa yɛn ho anto “ahonyade a ɛnkyɛ so.” (1Ti 6:17; 2Ti 3:1) Yɛhwɛ Ɔhene Yehosafat asɛm no a, sɛn na ɛbɛboa yɛn ama yɛayɛ ahoboa na sɛ nneɛma mu yɛ den a, yɛn ani so antan yɛn?

Bere a atamfo bae sɛ wɔne Yehosafat rebɛko no, ɔde ne ho too Yehowa so. (2Be 20:9-12) Ɔsan yɛɛ nneɛma ahorow bi de bɔɔ ɔman no ho ban. Ɛne sɛ, osiesiee nkurow no bi ma ɛyɛɛ den, na ɔde asraafo koguu mmeae bi wɔ ɔman no mu. (2Be 17:1, 2, 12, 13) Yɛn nso, ɛsɛ sɛ yesuasua Yehosafat, na yɛde yɛn ho to Yehowa so, na yɛsan yɛ ahoboa biara a ɛsɛ sɛ yɛyɛ na sɛ nneɛma mu yɛ den a, yɛn ani antutu anka yɛn nsam.

AHOBOA BƐN NA YEBETUMI AYƐ NA SƐ ƆMAN NO SIKASƐM YƐ BASAA A, YƐN ANI SO ANTAN YƐN?

Hyɛ wo ne Yehowa adamfofa mu den: Ma w’ani nsɔ nea wowɔ. Afei kɔ so nya Yehowa mu gyidi sɛ obetumi ama wo nsa aka nea wuhia da biara. (Mt 6:26; 1Ti 6:8) Si w’adwene pi sɛ, sɛ nneɛma mu yɛ den sɛ dɛn mpo a, woremmu Yehowa mmara so esiane nea wubedi nti. (Ro 2:21) Di kan susuw ho hwɛ sɛ, sɛ anyinam ahoɔden nni hɔ anaa Intanɛt nyɛ adwuma a, ɔkwan bɛn na wobɛfa so anya Bible, asafo nhoma, ne video ahorow. Asafo nhoma ahorow a yɛaprente no, hwɛ hu sɛ wowɔ kakra wɔ wo ho da biara, na sɛ ɛbɛyɛ yiye a, asafo nhoma a yennya nsuae no, twe bi gu wo fon anaa wo tablɛt so.

Yɛ ahoboa wɔ honam fam: Tuatua wo ho aka ansa na nneɛma mu ayɛ den, na ntotɔ nneɛma a ɛho nhyɛ da nhia. (Mme 22:7) Sɛ ɛbɛyɛ yiye a, aduan ne nneɛma afoforo a wubehia no, pɛ kakra gu hɔ. Ebinom mpo betumi asusuw ho ahwɛ sɛ, nea ɛbɛyɛ a wɔrensɛe sika pii no, wɔbeduadua atosode kakra wɔ wɔn mfikyiri.

HWƐ VIDEO A YƐATO DIN WOASIESIE WO HO AMA ATOYERƐNKYƐM? WUWIE A, BUA NSƐMMISA A EDIDI SO YI:

Mfoni a ɛwɔ ha yi fi video a yɛato din “Woasiesie Wo Ho Ama Atoyerɛnkyɛm?” no mu. Nneɛma a ɛwɔ mfoni no mu bi ne Bible, go bag, mobal fon, ne anuanom a wɔresiesie dan bi.

Dɛn na yɛn mu biara betumi ayɛ de asiesie ne ho ama atoyerɛnkyɛm?

Your answer

Mfoni a ɛwɔ ha yi fi video a yɛato din “Woasiesie Wo Ho Ama Atoyerɛnkyɛm?” no mu. Anuanom a ɛwɔ mfoni no mu no resiesie dan bi, na wɔreyi nneɛma bi afi kar kɛse bi mu.

Nhyehyɛe bɛn na yebetumi ayɛ na yɛatumi aboa afoforo?

Your answer