Da Tema Adi

Sɛ yɛka sɛ obi wɔ tema a, ɛkyerɛ sɛ ɔte afoforo ase, onim wɔn ahiade, ne sɛnea wosusuw nneɛma ho. Sɛ yedwen obi ho na yɛpɛ sɛ yɛyɛ biribi boa no a, ɛbɛma yɛanya tema ama no. Sɛ obi wɔ tema a, ɛnyɛ den sɛ afoforo behu. Sɛ yenya tema ma nkurɔfo wɔ asɛnka mu a, na yɛresuasua sɛnea Yehowa dɔ nnipa na odwen wɔn ho no, na ɛno twe nkurɔfo bɛn no.—Flp 2:4.

Sɛ obi wɔ tema a, ɛnyɛ n’ano kɛkɛ na ɔde ka, mmom efi koma mu. Enti sɛnea otie asɛm, sɛnea ɔkasa, sɛnea ɔyɛ n’anim bere a ɔretie asɛm, ne ne nneyɛe ma wuhu sɛ ɔte afoforo ase. Sɛ obi hu sɛ ne ho hia yɛn a, ɛbɛma wahu sɛ yɛwɔ tema ma no. Ɛsɛ sɛ yɛma nea onii no ani gye ho, ne gyidi, ne n’asetenam nsɛm nyinaa hia yɛn. Yebetumi ama wahu nneɛma bi a ɔyɛ a ebetumi aboa no, na afei yɛayɛ biribi pɔtee nso de aboa no. Nanso yɛrenhyɛ no sɛ ɔnsesa ne suban. Sɛ nkurɔfo pene so ma yɛboa wɔn a, ɛbɛma asɛnka adwuma no ayɛ yɛn dɛ paa.

HWƐ VIDEO A YƐATO DIN SƐ YƐMA YƐN HO KOKWAW WƆ ASUAFOYƐ ADWUMA NO MU A, ƐBƐMA YƐN ANI AGYE—DA TEMA ADI NO. WUWIE A, BUA NSƐMMISA A EDIDI SO YI:

• 

  Bere a Jade anni ne bere so no, dɛn na Neeta yɛ de kyerɛe sɛ ɔwɔ tema?

• 

  Bere a Jade kaa sɛ nneɛma ahyɛ no so enti ɔrentumi nsua ade no, dɛn na Neeta yɛ de kyerɛe sɛ ɔwɔ tema?

• 

  Bere a Jade kaa sɛ ontumi ntoto ne nneɛma yiye no, dɛn na Neeta yɛ de kyerɛe sɛ ɔwɔ tema?