Sua Sɛ Wobɛhyɛ Wo Ho So

Yɛyɛ nnipa a yɛnyɛ pɛ yi de, ɛnna fam sɛ yɛbɛhyɛ yɛn ho so; ɛsɛ sɛ daa yemia yɛn ani na yɛatumi ayɛ saa. Sɛ yegyaagyaa yɛn ho di yɛn akɔnnɔ akyi a, ebetumi ama yɛahwere Yehowa anim dom. Ebinom ma ntaade a wɔbɛhyɛ, baabi a wɔbɛda, ne aduan ho hia wɔn sen ɔdɔ a ɛsɛ sɛ wonya ma Onyankopɔn. Ebinom nso, nna ho akɔnnɔ biara a ɛba wɔn mu no na wodi akyi; wɔmfa Onyankopɔn mmara nyɛ hwee. (Ro 1:26, 27) Afoforo nso de, nea wɔn ani gye ho ne sɛ wɔn nnamfo bɛpɛ wɔn asɛm anaa wobegye wɔn atom. Enti nea wɔbɛka biara na wodi so.—Ex 23:2.

Dɛn na yɛbɛyɛ na yɛn akɔnnɔ amfa yɛn anyɛ akoa? Ɛsɛ sɛ yɛbɔ mmɔden de yɛn adwene nyinaa si Onyankopɔn apɛde so. (Mt 4:4) Afei nso, ɛsɛ sɛ yɛsrɛ Yehowa sɛ ɔmmoa yɛn mma yentumi nhyɛ yɛn ho so. Adɛn ntia? Efisɛ ɔno na onim nea eye ma yɛn, na nneɛma papa a ɛda yɛn koma so no, onim ɔkwan a ɔbɛfa so ama yɛn nsa aka.—Dw 145:16.

HWƐ VIDEO A YƐATO DIN MMA SIGARET MMFA WO NNYƐ AKOA NO. WUWIE A, BUA NSƐMMISA A EDIDI SO YI:

• 

  Adɛn nti na ebinom nom sigaret?

• 

  Wonom sigaret a, dɛn na ebetumi ayɛ wo?

• 

  Sɛ obi nom sigaret anaa ɛlɛtrɔnik de no bi a, adɛn nti na ɛyɛ bɔne?—2Ko 7:1

• 

  Sɛ obi daadaa wo sɛ nom sigaret a, dɛn na wubetumi ayɛ? Woanom ama aka wo hɔ nso a, wobɛyɛ dɛn agyae?