KRISTOFO ABRABƆ

Suasua Yehowa Dɔ a Enni Huammɔ No

Yɛreka obi a ɔda ɔdɔ a enni huammɔ adi a, obiara nto Yehowa. (Dw 103:11) Ɛnyɛ ɔdɔ a obi nya no nnɛ a, ɔkyena na atew kɔ no bia. Yɛka ɔdɔ a enni huammɔ a, nea ɛkyerɛ ne sɛ obi de ne ho bɛbɔ obi papee bere nyinaa a mframa mfa wɔn ntam. Yehowa daa ɔdɔ a enni huammɔ adi kyerɛɛ Israelfo no. Ɔyɛɛ saa wɔ akwan bebree so. Ebi ne sɛ, ogyee wɔn fii Egypt nkoasom mu de wɔn baa Bɔhyɛ Asaase no so. (Dw 105:42-44) Ɔko maa ne nkurɔfo, na ɔde wɔn bɔne kyɛɛ wɔn mpɛn pii. (Dw 107:19, 20) ‘Nnwuma a Yehowa de kyerɛ ne dɔ a enni huammɔ no, sɛ yedwinnwen ho kɔ akyiri’ a, ebepusuw yɛn ama yɛasuasua no.—Dw 107:43.

Mfoni: Video a yɛato din “Dwinnwen Yehowa Adɔe Nnwuma Ho” no, emu mfoni na ɛwɔ ha yi. 1. Onua Capra ne onua foforo akɔsra onuawa bi wɔ ne fie. 2. Seesei Onua Capra ne anuanom afoforo da afiase, na ɔde aduan rema onua bi a ɔyare da mpa mu.

HWƐ VIDEO A YƐATO DIN “DWINNWEN YEHOWA ADƆE NNWUMA HO.” WUWIE A, BUA NSƐMMISA A EDIDI SO YI:

Dɛn ne dɛn na yebetumi ayɛ de akyerɛ sɛ yɛwɔ ɔdɔ a enni huammɔ?

Your answer
Sɛ yebetumi ada ɔdɔ a enni huammɔ adi a, adɛn nti na ɛsɛ sɛ yɛde nneɛma bɔ afɔre?

Your answer