Momfa Mo Koma Nyinaa Nnɔ Anuanom

1. Yɛwɔ ɔdɔ a edi mu.

Koma mu na ɔdɔ no fi;

Ɛma yenya atenka pa.

Yɛdwen yɛn nuanom ho.

Yebenya kwan bi afa so

Aky’rɛ sɛ yɛdɔ yɛn nuanom,

Yebesua Nyankopɔn dɔ no;

Na yɛbɛyɛ ne mma.

Yɛbɛda yɛn dɔ adi.

Yebehu ahiafo mmɔbɔ;

Yɛde ɔdɔ bedi kan;

Yebenya ayamye daa.

Yɛbɛkamfo yɛn nuanom daa;

Yebenya wɔn ho adwempa.

Na yɛrensɛe yɛn nuanom din.

2. Yɛbɛma yɛn dɔ adi mu,

Yebegye yɛn nuanom adi;

Yebenya ahotoso daa,

Yɛn nuanom nyinaa mu.

Yenya nnamfo pa daa nyinaa;

Yɛn ani bɛsɔ obiara.

Yɛne yɛn nuanom behyia daa,

Yebenya ahoɔden.

Yɛn nyinaa fom da biara;

Ɔkasatia de ɔhaw bɛba.

Nyankopɔn adɔfo no,

Momma yenhu wɔn mmɔbɔ.

Ɛma yɛyɛ adamfo pa;

Ayɔnkofa no bedi mu.

Ma ɔdɔ nyɛ w’ahyɛnsode.

Kamfo yɛn Nyankopɔn no;

Suasua Yehowa dɔ no.