Emperor Penguin Ntakra

ANOMAA a wɔfrɛ no emperor penguin no betumi de mmirika afi nsu mu atow ne ho ato nsukyenee so. Ɔkwan bɛn so?

Susuw ho hwɛ: Emperor penguin twe mframa hyɛ ne ntakra mu. Ɛnyɛ sɛ ntakra no ka ne ho hyew wɔ nsu a ɛyɛ nwini no mu nko, na mmom ɛma otumi guare wɔ nsu mu ntɛmntɛm paa. Ɔyɛ dɛn yɛ saa? Nyansahufo kyerɛ sɛ aboa yi nam mframa nketenkete bi a ogyaagyaa mu fa ne ntakra no ntam no so na ɔyɛ saa. Bere a mframa yi fi ne ntakra no mu ba no, ntakra no ho yɛ tromtrom, na ɛma ne ho tumi yɛ hare.

Asɛm no ne sɛ, mfiridwuma ho animdefo resua akwan a wobetumi afa so ama po so hyɛn atu mmirika paa. Nanso, nhwehwɛmufo gye tom sɛ eyi ho nhwehwɛmu a wɔbɛyɛ akɔ akyiri nna fam koraa efisɛ “ɛbɛyɛ den sɛ wobetumi ayɛ ntokuru nketenkete ma mframa afa mu te sɛ penguin ntakra no.”

Wususuw ho dɛn? So emperor penguin ntakra no nam adannandi so na ɛbae? Anaa wɔbɔe?