Henanom Ne Onyankopɔn Atamfo?

Onyankopɔn tamfo kɛse ne Satan Ɔbonsam. Ɔyɛ honhom abɔde a ɔtew atua tiaa Yehowa. Satan kɔ so ko tia Onyankopɔn na ɔhaw adesamma pii. Satan tirim yɛ den. Ɔyɛ ɔtorofo ne owudifo.—Yohane 8:44.

Honhom abɔde afoforo nso kɔkaa Satan ho ma wɔtew atua tiaa Onyankopɔn. Bible frɛ wɔn adaemone. Te sɛ Satan no, adaemone yɛ nnipa atamfo. Wɔpɛ sɛ wopira nnipa. (Mateo 9:32, 33; 12:22) Yehowa bɛsɛe Satan ne n’adaemone no afi hɔ koraa. Bere tiaa bi pɛ na wɔwɔ a wɔde bɛhaw adesamma.—Adiyisɛm 12:12.

Sɛ wopɛ sɛ woyɛ Onyankopɔn adamfo a, ɛnsɛ sɛ woyɛ nea Satan pɛ sɛ woyɛ. Satan ne n’adaemone tan Yehowa. Wɔyɛ Onyankopɔn atamfo, na wɔpɛ sɛ wɔma woyɛ Onyankopɔn tamfo. Ɛsɛ sɛ wopaw nea wopɛ sɛ wosɔ n’ani—Satan anaasɛ Yehowa. Sɛ wopɛ daa nkwa a, ɛsɛ sɛ wopaw sɛ wobɛyɛ Onyankopɔn apɛde. Satan wɔ akwan pii a ɔfa so daadaa nkurɔfo. Ɔredaadaa nnipa dodow no ara.—Adiyisɛm 12:9.