Djoshuwa

15 Dii rakapaswa dzinza ra Djudha* kuti rigare re mhuri dzawo raienda dakara ku mugano no Edhomi, ku renje ro Zini, kumuceto ke katemaidumba ke Negebhe. 2 Mugano wayo we katemaidumba waitangira kumuceto ke Bahari ro Munyu,* kumuceto karo rakaningisa katemaidumba. 3 Hino waienda dakara katemaidumba ku mutunhu we Akrabhimu, wopinda no pa Zini, uye wokwidza ngo katemaidumba ko Kadhesi-bharneya. Pedzepo waipinda ngo ku Ezroni, wokwidza dakara ku Adhari, uye waikhona kuenda ku Karka. 4 Pedzepo, waipinda ngo ku Azimoni uye waienda dakara ku Murambo* we Edjipitu, uye mugano wakhona waiperera mu Bahari.* Uu ndiwo wainga uri mugano wawo nge ku dii re katemaidumba.

5 Mugano we kumabvazuwa wainga uri Bahari re Munyu* dakara panoperera Murambo we Djorodhani mu bahari. Mugano we kakutsi waitangira kumuceto ke bahari panoperera Murambo we Djorodhani. 6 Muganoo waikwidza dakara ku Bheti-ogra uye waidarika nge kakutsi ke Bheti-arabhaa uye waikwidza dakara ku buwe ra Bhoani mwana wa Rubheni. 7 Mugano uwona waikwidza dakara ku Dhebhiri ku Bani re Akori uye waikhonera kakutsi wecienda ku Jirigari, ku mbuto yakakwirira ye Adhumi, nge katemaidumba ke bani* uye waipinda nge pa mvura ye Eni-semesi uye waiperera ku Eni-rojeri. 8 Mugano uwona waienda ku Bani re Mwana wa Hinomi dakara kumuterero we Ajebhuzi katemaidumba, kureya Djerusarema, uye muganoo waikwidza dakara pamusoro pe dunhu rainga riri kumadokero, mberi ke Bani re Hinomi, kumuceto ke Bani re Refaimu nge kakutsi. 9 Uye muganoo waibva pamusoro pe dunhu dakara ku manyuku e mvura e Nefitoa uye waienderera dakara ku mathaundi e dunhu re Efroni; uye waienderera dakara ku Bhaara, kureya Kiriyati-jearimu. 10 Kubva ku Bhaara, mugano waikhona kuenda ku madokero dakara ku Dunhu re Seiri uye waipinda ngo kumuterero we kakutsi ke Dunhu re Jiarimu, kureya Khesaroni, uye waiteredza dakara ku Bheti-semesi uye waipinda wecienda ku Timina. 11 Uye muganoo waienda dakara kumuterero ke Ekroni nge ku dii re kakutsi, uye waienderera dakara ku Sikeroni, waipinda wecienda ku Dunhu re Bhaara uye waienderera dakara ku Jabhineri, wozoperera mu bahari.

12 Mugano we kumadokero wainga uri nge kumuceto ke Bahari Guru.* Ii ndiyo yainga iri migano yese ye nyika ye ana a Djudha, maererano no mhuri dzawo.

13 Uye kuna Karebhe mwana wa Jefunee, Djoshuwa wakamupasa dii pakati pe ana a Djudha, maererano no mutemo wa Djehovha kuna Djoshuwa; akamupasa Kiriyati-arbha, zvecida kureya Hebroni. (Arbha wainga ari baba a Anaki.) 14 Ngokudaro, Karebhe wakadzingira ipona ana atatu a Anaki: Sesai, Aimani, na Tarimai, ana a Anaki. 15 Hino wakabuda ipona worhwisana no agari e Dhebhiri. (Kareko Dhebhiri yaizwi Kiriyati-seferi.) 16 Hino Karebhe wakati: “Mwanarume unokwanisa kurhwisa uye wotora Kiriyati-seferi, ndicamupasa mwana wangu Akisa kuti agare mukadzi wake.” 17 Uye Otinieri mwana wa Kenazi, hama ya Karebhe, wakatora thaundi. Ngokudaro Karebhe wakamupasa mwana wake Akisa kuti agare mukadzi wake. 18 Akisa paaienda kumba, wakarumbwa ecibvunza Otinieri kuti waida kukumbira baba ake munda. Hino iyena wakacita pa dhongi,* uye Karebhe wakamubvunzisa kuti: “Uri kudei?” 19 Iyena wakadaira kuti: “Ndapota, ndikomborerei, ngokuti imwimwi mandipasa dii ro nyika ye katemaidumba;* ndipaseizve Guroti-maimu.”* Ngokudaro, iyena wakamupasa Guroti ye Kumusoro no Guroti ye Kumaterero.

20 Ii ndiyo yakagara nhaka yo dzinza ra Djudha maererano no mhuri dzawo.

21 Mathaundi ainga ari kumuceto ke katemaidumba ke dzinza ra Djudha ecienda ku mugano we Edhomi, ainga ari aya: Kabhizeri, Edheri, Jaguri, 22 Kina, Dhimona, Adhadha, 23 Kedhesi, Azori, Itinani, 24 Zifi, Teremu, Bhearoti, 25 Azori-Adhata, Kerioti-eziroti, kureya Azori, 26 Amamu, Sema, Moradha, 27 Aridha-gadha, Esimoni, Bheti-pereti, 28 Azari-suari, Bheeri-sebha, Bhiziotiya, 29 Bhaara, Imu, Ezemu, 30 Eritoradhi, Khesiri, Orma, 31 Zikragi, Madhimani, Sansana, 32 Rebhaoti, Sirimu, Aini uye Rimoni, mathaundi ese aikwana 29, kutobatanidza no mizi dzawo.

33 Mathaundi e Sefera ainga ari aya: Eshataori, Zora, Ashina, 34 Zanoa, Eni-ganimu, Bheti-tapuwa, Enamu, 35 Jarimuti, Adhuramu, Sokoo, Azeka, 36 Saraimu, Adhitaimu, Jedhera uye Jedherotaimu,* mathaundi 14 no mizi dzawo.

37 Zenani, Adhasa, Migidhari-gadhi, 38 Dhireani, Mizipa, Jokiteeri, 39 Rakishi, Bhozikati, Egroni, 40 Kabhoni, Ramamu, Kitirisi, 41 Jedheroti, Bheti-dhagoni, Naama uye Makedhaa, mathaundi 16 no mizi dzawo.

42 Ribna, Eteri, Asani, 43 Ifita, Ashina, Nezibhe, 44 Keira, Akizibhi uye Maresa, mathaundi mapfembamwe no mizi dzawo.

45 Ekroni, mathaundi madoko ainga akaitenderedza no mizi dzawo; 46 kubva ku Ekroni kuri kuenda kumadokero, zvese zviri ku dii ro Ashidhodhi no mizi dzawo.

47 Ashidhodhi, mathaundi akaitenderedza no mizi dzawo; Gaza, mathaundi akaitenderedza no mizi dzawo, dakara ku Murambo* we Edjipitu, mu Bahari Guru,* uye mutanha we mudhuze.

48 Uye ku mutanha we matunhu kainga kuno Samiri, Jatiri, Sokoo, 49 Dhana, Kiriyati-sana, kureya Dhebhiri, 50 Anabhi, Esitemoa, Animi, 51 Gozeni, Oroni uye Jiro, mathaundi 11 no mizi dzawo.

52 Arabhiya, Dhuma, Esani, 53 Janimu, Bheti-tapuwa, Afeka, 54 Humuta, Kiriyati-arbha, kureya Hebroni uye Ziori, mathaundi mapfembamwe no mizi dzawo.

55 Maoni, Karmero, Zifi, Juta, 56 Jezreeri, Jokidheyamu, Zanoa, 57 Kaini, Jibheya, uye Timina, mathaundi gumi no mizi dzawo.

58 Aruri, Bheti-zuri, Jedhori, 59 Maarati, Bheti-anoti uye Eritekoni, mathaundi matanhatu no mizi dzawo.

60 Kiriyati-bhaari, kureya Kiriyati-jearimu uye Rabha, mathaundi mairi no mizi dzawo.

61 Ku renje kainga kuno Bheti-arabhaa, Midhini, Sekaka, 62 Nibhisani, Thaundi ro Munyu uye Eni-gedhi, mathaundi matanhatu no mizi dzawo.

63 Anarume e dzinza re Djudha aazi kukwanisa kudzingira Ajebhuzi aigara mu Djerusarema, ndiyo ndaa Ajebhuzi aciri kugara no Adjudha mu Djerusarema dakara na nyamasi.