NGANO 24

Awona Aazi Kuita Zvaakagondesa

Djehovha akabvunza Mozesi kuti akwire mu Dunhu re Sinai. Mozesi wakagara ikona ke mazuwa 40. Hino, Djehovha akatara mitemo yake inokosha maningi pa mapuwe mairi. Mitemo iyona yaidainzwa Mitemo Gumi.

Mozesi wakakhandira matabwa mairi e mapuwe pasi

Mumasure me kacinguwa, Aisraeri akatanga kurangarira kuti Mozesi wainga asikacahwiriri. Hino akabvunza Aroni kuti: ‘Mozesi aacahwiriri uu. Tinoda munhu umweni kuti atiduse pano. Tigadzirire mwari!’ Hino Aroni wakakumbira oro ku Aisraeri. Iyena wakabata oroyo wakainyungurusa uye wakaita cidhori cakaita hinga mwana we n’ombe. Pacakapera, Aisraeri akatanga kunamata cidhori cakaita hinga mwana we n’ombe uye akatoitawo mabiko. Aisraeri akati: ‘Cidhori ici cakaita hinga mwana we n’ombe, ndicona Mwari wedu. Ndico cakatibvisa ku Edjipitu!’ Kodi Aisraeri aidikana kuita izvona here? Haiwa, awona ainga asikadikani kuzviita. Awona ainga akagondesa kuti aizonamata Djehovha basi. Asi ainga asikaiti zvaakagondesa.

Djehovha paakaona izvi, akabvunza Mozesi kuti: ‘Cita nokukasika uende koona Aisraeri. Awona aaripi kundizwira. Awona aita mwari wekunyepa uye ari kumunamata.’ Mozesi wakacita mu Dunhu re Sinai akabata matabwa mairi e mapuwe.

Paakaguma dhuze no painga pano Aisraeri, iyena wakazwa anhu eciemba. Uye paakaguma padhuze-dhuze, wakaona Aisraeri ecitamba uye ecinamata cidhori ce oro cakaita hinga mwana we n’ombe. Mozesi wakanyangadzwa maningi nazvo. Iyena wakabata mapuwe aya uye wakaakhandira pasi. Wakaakhandira no simba zvekuti awona akaphwanyika. Pedzepo, iyena wakaphwanya-phwanya cidhorico cakaita hinga mwana we n’ombe. Mozesi wakabvunzisa Aroni kuti: ‘Ngei iwewe watendera kuti anhu akuite kuti ugadzire cidhori cakaita hinga mwana we n’ombe? Izvi i zviro zvakashata maningi.’ Aroni wakati: ‘Mozesi ndapota usanyangadzwe. Iwewe unonyasa kuziya Aisraeri. Awona aida mwari. Awona andipasa oro yawo. Inini ndakakanda oro yawo pamuriro uye yakabuda cidhori ici cakaita hinga mwana we n’ombe.’ Aroni wainga asikadikani kuita kudaro. Hino Mozesi wakakwirazve mu dunhu uye wakadeketera kuna Djehovha kuti arekerere Aisraeri.

Djehovha akarekerera aya basi aida kumuzwira. Waona here kuti ngei zvainga zvakanaka kuti Aisraeri azwire uya waiatungamirira?

“Pese pamunoita mhiko kuna Mwari musanonoke kuiripa, ngokuti Mwari aapfariri mapenzi. Munodikana kuripa zvamunopika.”—Muparidzi 5:4