Djesu Anodzingira Atengesi mu Tempro

Paa padarika mwedzi minganani abhabhatidzwa, Djesu akaenda ku Djerusarema. Anhu akawanda ainga ari ikona kuti apemberere Paskwa. Ku Paskwa, anhu aienda ku tempro kuti apase zvibairo zve zvinyama. Anhu amweni aitora zvinyama zvawo kamare kuti apase hingana zvibairo, asi amweni aitenga zvinyama paaiguma ku Djerusarema.

Djesu paakaguma mu tempro, iyena akaona anhu ecitengesa mabira, n’ombe uye njiwa. Anhu awona, ainga asiripi ikona kuti anamate Djehovha, asi ainga ari ikona kuti aone mare! Unozviziya kuti Djesu akaitei? Iyena akagadzira mushamu we mapote uye akadzingira mabira, no n’ombe mukati me tempro. Pedzepo, iyena akaminura mameza o atengesi uye akabararisa mare yawo pasi. Djesu akabvunza anhu aitengesa njiwa kuti: ‘Bvisai zviro izvi pano. Imai kuseenzesa nyumba ya Baba angu hinga mbuto yekutengesera zviro!’

Anhu ainga ari mu tempro akashamiswa nge zvakaizwa na Djesu. Afundi a Djesu akaedzurira ngezve uphorofita waireta ngezva Mesiya waiti: ‘Rudo randinaro no nyumba yenyu raizoita hinga muriro uri kubaka mu mwoyo mangu.’

Padarika makore matatu, Djesu akaendazve ku tempro uye akadzingirazve atengesi. Iyena aida kuti anhu ese areremedze nyumba ya Baba ake.