SENZAI NO SIMBA MU BASA RE KUPARIDZIRA | KUTUNHUDZIRA MUPFARO WEDU MU BASA RE KUPARIDZIRA
Betserai Afundi Enyu e Bhaibheri kuti Apinde Misangano
Misangano ye ungano i dii rinokosha maningi pa kunamata kakacena. (Pis 22:22) Ese aya anoungana kuti anamate Djehovha anoona mupfaro uye makomborero. (Pis 65:4) Afundi e Bhaibheri kajinji anonyanya kuhambira mberi paanopinda misangano nguwa dzese.
Mungabetsera kudini afundi enyu e Bhaibheri kuti apinde misangano? Rumbwai meciapika kuti auye ku misangano. Apangidzei vhidhiyo yakazwi Mu Nyumba yo Umambo Munoizwei? Panganidzai zvakanakira kupinda misangano. (lff fundo 10) Mungakwanisa kucedza nge zve zviya zvamakafunda pa musangano kana kuona zvicazofundhwa pa musangano unoteera. Pasai afundi enyu mabhuku no zvicaseenzeswa pa musangano. Uyezve, abetserei no zviya zvaanoda. Pamweni mungaabetsera no cekuhambisa kuti akwanise kuguma ku musangano. Kupeta masimba kamunoita kunokosha maningi kana mufundi wenyu akapinda musangano kekutanga.—1Ako 14:24, 25.
ONAI VHIDHIYO YAKAZWI BETSERAI AFUNDI ENYU E BHAIBHERI KUTI APINDE MISANGANO, PEDZEPO DAIRAI MIBVUNZO INOTEERA:
Sara waseenzesa mukana upi kuti apike Djadhe ku musangano ye ungano?
Ngei tinopfara maningi mufundi we Bhaibheri paanopinda misangano?
“Mwari ari pakati penyu kamare”
Djadhe wakazwa kudini paakapinda musangano kekutanga?