Bhuyaiwo no Amweni Zvamafunda

Fundo ye munhu ega ingatibambisa. Asi tinganyasa kuzwa takabambiswa kana tikabhuyawo no amweni zviya zvatinonga tafunda. Zvierengo 11:25 inoti: “Munhu unobambisa amweni unodzibambisawo.”

Kakawanda patinobhuya no amweni ngezve zvatafunda, tinozwisisa zvakanaka zviya zvatafunda uye zvinogara nyore kuzviiga mu musoro. Kusiya izvona, kubvunza amweni zvinotipasa mupfaro ngokuti tinozviziya kuti izvona zvingaabetsera.—Zviito 20:35.

Edzai kuita zvinoteera: Mu sumana inoteera psvakai mukana we kubhuya no amweni zviya zvamafunda. Zvingaita munhu we mu mhuri menyu, hama ye mu ungano, mudoni we kubasa kana kuti we kucikora, anyacigarisano kana kuti uya wamunogumira mu basa rekuparidzira. Edzai kubhuya zvamafunda nge masoko enyu kamare nge mushobo uri nyore uye wakadjeka.

Edzurirai kuti: Cinangwa cenyu pamunonga mecibhuya zvamafunda ngece kuabambisa, haiwa kudzionesa.—1 Ako. 8:1.