Tingaseenzesa Kudini Mataratadho Kuti Titangise Makani

Kubvira pa mwedzi wa Mavhiza we 2018, kapa yo Urongwa we Musangano Basa redu uye Kurarama inosounzisa mazano e kutangisa makani mu basa re kuparidzira. Mazano aya anotibetsera kuti ticedzesane no anhu pane basi kuapasa mabhuku. Kuti abetsere aparidzi kugara nani pa kutondoedza mazano aya, mavhidhiyo e makani e kuezanisira anopangidza kuti tingatangisa kudini makani teciseenzesa Bhaibheri basi. Izvi zvirikuda kureya here kuti atidikani kuseenzesa mabkuku mu basa re kuparidzira? Haiwa! Ngo muezaniso, mataratadho edu anobetsera maningi pakutangisa makani na samuzi. Tingaseenzesa rimwe re mataratadho edu ngo mushobo unoteera:

1. Itai mubvunzo unonga uri pa kapa yo taratadho.

2. Pangidzai mhinduro yo Bhaibheri meciseenzesa tsamba iri mukati mo taratadho. Kana samuzi akarerukirwa, imwimwi mungaerenga uye kucedza nge zve mafundo ari mukati mo taratadho.

3. Pasai samuzi taratadho uye mukohomedzesei kuti aerenge pasarira pa nguwa yakamunakira.

4. Musati maenda, mupangidzei mubvunzo uri pakazwi “Cimborangarira” uye panganai kuhwirira nguwa imweni kuti muzodaire mubvunzowo.

Mukahwirira, cedzai nge zve mhinduro yo mubvunzo wamunonga masiya uye siyai mubvunzo umweni wamucadaira kana mukahwirirazve. Mungasiya mubvunzo uri mu saiti jw.org kana mu bhuku rinopangidzwa pa kapa yokupedzesera yo taratadho. Kana mukaona mukana, pangidzai bhurushura Masoko Anopfadza Anobuda Kuna Mwari! kana bhuku rimweni riri mu Bhokisi re Mafaramenta e Kufundisa.