Tingaseenzesa Kudini Makani e Kuezanisira

Sangano riri kupeta masimba ari ese kuti rigadzirire shwiro dziri pakazwi Makani e Kuezanisira. Aparidzi akawanda ari kubudirira nge kuseezesa makani aya mubasa re kuparidzira. Asi maimiro e zviro akasiyana mu nyika yese. Ndiyo ndaa, aparidzi paanonga eciparidzira angakwanisa kuseenzesa shwiro yakasiyana asi zvecibaya mwoyo ye anhu e mundimeyo. Zviri pamhene kuti, kudai pakatangwa kampanya yokuparidzira, tinodikana kuseenzesa nhungamiriro yatinopaswa. Cinangwa cedu cikuru ngece kuteedzera mutemo watakapaswa na Djesu wekuparidzira masoko akanaka e Umambo.—Mt 24:14.

Pa matii e afundi, aparidzi anodikana kuseenzesa shwiro dziri pakazwi Makani e Kuezanisira dze pa Urongwa we Musangano. Pasina nhungamiriro dzimweni, aparidzi angakwanisa kusanangura mubvunzo, tsamba uye shwiro inoteera maererano no kaanogara. Izvi zvinocinja nhungamiriro dziri pa pagina 8 pa urongwa we musangano we mwedzi wa Junho wa 2020.