SENZAI NO SIMBA MU BASA RE KUPARIDZIRA | KUTUNHUDZIRA MUPFARO WEDU MU BASA RE KUPARIDZIRA
Tenderai Rubetso re Hama Dzedu
Djehovha akatipasa hama no hanzvadzi dze pasi rese kuti dzitibetsere. (1Pe 5:9) Awona angakwanisa kutibetsera kukunda zvinetso zvatinosongana nazvo mu basa re kuparidzira. Izvi zvakaitikawo no muphostori Pauro. Iyena akabetserhwa no Akristu akadai hingana Akira na Prisira, Sirasi, Timoti no amweniwo.—Zvi 18:1-5.
Asi hama dzedu dzingatibetsera kudini mu basa re kuparidzira? Awona angatipasa mazano akanaka kuti tingadaira kudini panotidairhwa no magwando, tingabhuyei patinohwirira ku munhu apfarira, kana kutipasa mazano anotibetsera kutanga kufunda no anhu Bhaibheri. Ndiani mu ungano yenyu wamuri kuona kuti angamubetserei? Zvakadini kumukumbira kuti amubetserai? Kana mukaita kudaro, mucafunda zvakawanda naye uye iyena acafundawo zvakawanda naimwimwi, izvi zvicaita kuti mupfare.—Afi 1:25.
ONAI VHIDHIYO YAKAZWI PFADZWAI NGE BASA RE KUITA AFUNDI—TENDERAI RUBETSO RA DJEHOVHA—HAMA DZEDU, PEDZEPO DAIRAI MIBVUNZO INOTEERA:
Sara wakaitei kuti akohomedzese Djadhe kuti apinde misangano?
Ngei zvakanaka kupikawo hama dzimweni kuti tiitise tese fundo dze Bhaibheri?
Ese mu ungano angabetsera afundi e Bhaibheri kuti abudirire pa kunamata
Djadhe na Abhigairi anga akaezana papi?
Mu maonero enyu mungafundei no hama dzimweni pamunobuda nadzo mu basa re kuparidzira?