SENZAI NO SIMBA MU BASA RE KUPARIDZIRA | KUTUNHUDZIRA MUPFARO WEDU MU BASA RE KUPARIDZIRA
Betserai Afundi Enyu e Bhaibheri kuti Aziye Kudzirhyisa pa Kunamata
Zve zvirokwazvo, munoda no mwoyo wese kuti afundi enyu e Bhaibheri ahambire mberi uye akure pane zve kunamata, afundi e Bhaibheri aadikani kudzirhyisa basi no zviya zvaanofunda pamwepo no mufundisi wake. (Mt 5:3; Ahe 5:12–6:2) Awona anodikana kufunda kudzirhyisa ega pa kunamata.
Kubvira pakutanga kufunda, fundisai afundi enyu e Bhaibheri kuti angagadzirira kudini fundo asati afunda, uye rumbwai meciaedzurira kuti ngei zvecikosha kugadzirira. (mwb18.03 paji. 6) Kohomedzesai afundi enyu kuti atange no munamato asati atanga fundo yawo ye munhu ega. Abetserei kuti akwanise kuseenzesa Saiti yedu no maaprikativho kuti afunde uye aone zviro zvipsva zvinonga zvabva kubudiswa mu saiti jw.org no JW Broadcasting®. Fundisai mufundi wenyu kuti aerenge Bhibheri mazuwa ese, kugadzirira misangano uye kukwarakwatisa zviro zvaasikanyasi kuzwisisa. Mubetserei kuti anyase kurangarira zviya zvaanofunda.
ONAI VHIDHIYO YAKAZWI BETSERAI AFUNDI ENYU E BHAIBHERI KUTI AZIYE KUDZIRHYISA PA KUNAMATA, PEDZEPO DAIRAI MIBVUNZO INOTEERA:
Sara wabetsera kudini Djadhe kuona kuti kufunda kunobatanidza zvakawanda kupinda kuziya mhinduro?
Cinyi cakabetsera Djadhe kuona kuti Djehovha ane zvikonzero zvakanaka kuti arambidze kuita useki?
Betserai afundi enyu kuti arhyise ndangariro dzawo no mwoyo wawo
Djadhe wafundei nge zve kunyasa kurangarira?