FUNDO 59
Rumbwai Mecishingirira Pamunoteererhwa.
Mukritsu wese unotombophikiswa kana kutambudzwa. Asi izvona zvinodikana kutishamisa here?
1. Ngei tecikarira kuti ticateererhwa?
Bhaibheri rinoreketa zvakadjeka kuti: “Ese aya anoda kurarama upenyu we kudzipira no mwoyo wese kuna Mwari mu rubatano na Kristu Djesu, acateererhwawo.” (2 Timoti 3:12) Djesu akatambudzwa ngekuti ainga asiripi wenyika ya Sathani. Isusuwo atiripi e nyika, ndiyo ndaa atishamiswi kana tecitambudzwa nge anyautongi uye nge magereja e nyika ino.—Juau 15:18, 19.
2. Tingaita kudini kuti tigare takagadzirira kuteererhwa?
Tinodikana kubambisa rugondo redu kuna Djehovha zvino. Onai nguwa yekuita munamato kaari uye kuerenga Soko rake zuwa no zuwa. Garai mecipinda misangano ye ungano. Izvi zvicamubetsera kuti murumbwe makabamba uye makashinga pamunotambudzwa kunyazi no anyaukama. Muphostori Pauro waitambudzwawo wakatara kuti: “Djehovha ndiye mubetseri wangu; andizothyi.”—Ahebheru 13:6.
Ciro cimweni cinokwanisa kutipasa ushingi kugara teciparidzira. Kuparidzira kunotifundisa kugonda Djehovha uye kutama kuthya anhu. (Zvierengo 29:25) Kana mukagara no ushingi wekuparidzira nguwa yatiri ino, mucakwanisa kuparidzira kunyazi kana anyautongi akarambidza basa redu.—1 Atesaronika 2:2.
3. Kushingirira patinotambudzwa kunotibetsera kudini?
Apana munhu unodakadzwa paanotambudzwa, asi patinoshingirira, kutenda kedu kunobamba. Kushingirira kunotikhwededzawo padhuze na Djehovha ngekuti tinonyasa kuzwa kuti ndiyena arikutibetsera paya patinorangarira kuti aticazvikwanisi. (Erengai Tiyago 1:2-4.) Djehovha anorhwadziwa paya paanotiona tecishuphika, asi anopfara akationa tecishingirira. Bhaibheri rinoti: “Kana mecishingirira matambudziko ngekuti muri kuita zvakanaka, izvona zvinopfadza Mwari.” (1 Pedru 2:20) Djehovha acapasa ese aya anoshingirira mubairo we upenyu usikaperi mu nyika inonga isina anhu anophikisa kunamata ke zvirokwazvo.—Mateu 24:13.
FUNDAI ZVAKAWANDA
Ongororai kuti tingaita kudini kuti tikwanise kuseenzera Djehovha kunyazi teciphikiswa uye kuti zvinotibetsera kudini.
4. Mungakwanisa kushingirira paya pamunophikiswa nge anyaukama
Djesu akagara areketa kuti anyaukama edu angatama kutitsigira pakunamata kedu Djehovha. Erengai Mateu 10:34-36, pedzepo cedzai nge zve mubvunzo unoteera:
Cinyi cingaitika kana munhu umwe mu mhuri akasanangura kuseenzera Djehovha?
Kuti muone kuti izvona zvinoitika, ridzai VHIDHIYO, pedzepo cedzai nge zve mubvunzo unoteera.
Mungaita kudini kana munhu akamubvunza kuti musiye kunamata Djehovha kunyazi munhuwo ari hama yenyu kana kuti shamwari?
Erengai Pisarema 27:10 uye Marko 10:29, 30. Mumasure mekuerenga tsamba imwe na imwe, cedzai nge zve mubvunzo unoteera:
Gondeso ii ingamubetsera kudini pamunophikiswa no anyaukama kana shamwari?
5. Rumbwai mecinamata Djehovha kunyazi mecitambudzwa
Zvinotoda kushinga kuti museenzere Djehovha kana anhu amweni eciedza kumurambidza kuti mudaro. Ridzai VHIDHIYO, pedzepo cedzai nge zve mubvunzo unoteera.
Cinyi camabambiswa ndico mu vhidhiyo ii?
Erengai Zviito 5:27-29 uye Ahebheru 10:24, 25. Erengai tsamba imwe na imwe, pedzepo cedzai nge zve mubvunzo unoteera:
Ngei zvecikosha kuti tirumbwe tecinamata Djehovha kunyazi basa redu rekuparidzira kana misangano zvikarambidzwa?
6. Djehovha acamubetsera kushingirira
Apupuri a Djehovha ano thunga rakasiyana-siyana uye anobva kakasiyana-siyana, akarumbwa eciseenzera Djehovha kunyazi paaitambudzwa. Kuti muone kuti cinyi cakaabetsera, ridzai VHIDHIYO. Pedzepo cedzai nge zve mubvunzo unoteera.
Mu vhidhiyo yataona, cinyi cakabetsera hama idzi kuti dzishingirire?
Erengai Aroma 8:35, 37-39 uye Afiripi 4:13. Erengai tsamba imwe na imwe, pedzepo cedzai nge zve mubvunzo unoteera:
Tsamba idzi dzinomupasa kudini rugondo rekuti munokwanisa kushingirira muedzo upi hawo?
Erengai Mateu 5:10-12, pedzepo cedzai nge zve mubvunzo unoteera:
Cinyi cingaita kuti mupfare pamunonga mecitambudzwa?
Zviuru ne zviuru zve anamati a Djehovha zvakakwanisa kushingirira kuphikiswa. Imwimwi mungazvikwanisawo!
ANHU AMWENI ANOTI: “Inini andingakwanisi kushingirira kutambudzwa.”
I tsanba dzipi dzingabetsera munhu uu kuti agare no ushingi?
MUCIGWAGWA
Djehovha anokoshesa zvatinoedza kuita kuti timuseenzere kunyazi tecitambudzwa. Iyena anokwanisa kutibetsera kuti tishingirire!
Mibvunzo yekuhwirinzira
Ngei akristu ecidikana kuetsera kuti acatambudzwa?
Mungaitei zvinoku kuti mugare makagadzirira pamucazotambudzwa?
Cinyi cicamubetsera kuti mugare no rugondo rekuti munokwanisa kuseenzera Djehovha kunyazi mukasongana no miedzo?
ZIYAI ZVAKAWANDA
Onai hama imweni yecidjaha yecipanganidza kuti Djehovha akamubetsera kudini payakakandwa mukaraboso nge ndaa yekusama kutsigira zvematongerhwo e nyika.
Onai kuti cinyi cakabetsera mwanarume umweni no mukadzi wake kuti aseenzere Djehovha ke makore akawanda kunyazi eciphikiswa.
Fundai kuti mungarumbwa kudini mecishingirira pamunonga mecitambudzwa.
“Gadzirirai Zvinoku Kuzotambudzwa” (Murindiri wa Julho wa 2019)
Zvinodikana kutishamisa here kana tikatambudzwa no anyaukama edu, uye tingashingirira kudini matambudziko atinosongana nawo patinotambudzwa no anyaukama edu?
“Cokwandi Aciunzisi Runyararo, Asi Supada” (Murindiri wa Otubro wa 2017)