Zvatinofunda Kubva mu Upenyu wa Samueri

Samueri wakarumbwa akagondeka kuna Djehovha ke upenyu wake wese. Paainga ari mudoko, iyena wakaramba kuita zvaiizwa no ana a Eri, Hofini na Finiyasi. (1Sa 2:22-26) Samueri paairumbwa ecikura, Djehovha akarumbwa ari naye. (1Sa 3:19) Samueri paakakura, iyena wakarumbwa ecihamba mu gwanza ra Djehovha, kunyazi ana ake asikazi kudaro.—1Sa 8:1-5.

Muezaniso wa Samueri ungatifundisei? Kana muri madjaha, garai no zvirokwazvo kuti Djehovha anozwisisa matambudziko amunosongana nawo uye mazwiro amunoita. Ayena anokwanisa kumubetsera kuti mugare no ushingi. (Isa 41:10, 13) Abereki, kana mune mwana wakasiya cokwadi, nyaradzwai nge kuziya kuti Samueri wainga asikakwanisi kubambidzira ana ake akura kuti arumbwe akagondeka kuna Djehovha. Pane kudaro, ayena wakasiira nyaya yakhona mu nyara dza Djehovha uye wakarumbwa akaperera uye wakapfadza Baba ake e kudenga, Djehovha. Pamweni muezaniso wenyu wakanaka ucaita kuti mwana wenyu ahwirire kuna Djehovha.

ONAI VHIDHIYO YAKAZWI FUNDIRAI KUBVA KAARI—SAMUERI, PEDZEPO DAIRAI MIBVUNZO INOTEERA:

• 

  Samueri wakapangidza kudini ushingi paainga aciri mudoko?

• 

  Danny wapangidza kudini ushingi?

• 

  Samueri wakapasa kudini muezaniso wakanaka paainga akura?

• 

  Abereki a Danny apangidza kudini muezaniso wakanaka?