Mibvunzo Inobva Ku Aerengi

Djesu paakabarhwa, ngei Zuzee na Mariya akarumbwa ari ku Bheterehema panokuhwirira kumba kawo ku Nazareta?

Bhaibheri arireketi ciro. Asi irona rinopanganidza zvikonzero zvakaita kuti awona ade kugara ku Bheterehema.

Ngirozi yakabvunza Mariya kuti waizobata pamwiri uye waizobara mwana. Ngirozi ii payakareketa masoko aya, Mariya na Zuzee aigara ku Djerusarema, guta rainga rakabarirhwa Zuzee ku Garireya. (Ruka 1:26-31; 2:4) Nokuhamba ke nguwa paakazohwirira ku Egiptu, awona akaenda ku Djerusarema. Djesu wakakurira ikona uye wakagara mu Nazareta. (Mat. 2:19-23) Ndiyo ndaa patinorangaridza ngezve Nazareta, tinokasika kuedzurira ngezva Djesu, Zuzee, na Mariya.

Mariya wainga ano nyaukama wake waizwi Erizabheti, wairaramira ku Djudhiya. Erizabheti wainga ari mukadzi we mu pristi Zakariya wakazogara mai a Juau Mubhabhatidzi. (Ruka 1:5, 9, 13, 36) Mariya wainga avhakacira Erizabheti ke mwedzi mitatu ku Djudha. Pedzepo iyena wakahwirira ku Nazareta. (Ruka 1:39, 40, 56) Ndiyo ndaa Mariya waiziya nyika ye Djudha.

Nokuhamba ke nguwa Zuzee wakabuda mu Djerusarema oenda ku Bheterehema, ngekuti Aroma akabhuya kuti munhu wese waidikana “kootaririsa” ku nyika yake. Bheterehema yainga iri “thaundi ra Dhavhidhi” uye ndiyona mbuto yaizobarirhwa Mesiya. (Ruka 2:3, 4; 1 Sam. 17:15; 20:6; Mik. 5:2) Mumasure mekuti Djesu abarirhwa ikona, Zuzee wainga asikadi kuti Mariya aite rhwendo rakakura rokuhwirira ku Nazareta no ka mwana kadoko. Awona akagara ku Bheterehema uye kubva ku Bheterehema dakara ku Djerusarema painga pakareba makirometro anokwana 9. Ngekuti mutemo waibhuya kuti pese panobarhwa mwana paidikana kupiwa cibairo, hino kurumbwa kawo akagara ku Djerusarema zvaizoaitira nyore kuti aende koonamata mu tempro.—Rev. 12:2, 6-8; Ruka 2:22-24.

Mukutanga, ngirozi yainga yabvunza Mariya kuti mwana wake waizotambira “cigaro ca Dhavhidhi” uye waizogara “Mambo.” Zvinoita hingana kuti Mariya na Zuzee akapfara maningi nge cikonzero ca Djesu cekubarirhwa mu thaundi ra Dhavhidhi. (Ruka 1:32, 33; 2:11, 17) Pamweni awona ainga akamborangarira kuti kaizonga kuri kungwarira kugara ikona dakara aziya zvirikuda Mwari.

Isusu atizii kuti akagara nguwa yakareba kudini ku Bheterehema paakavhakacirhwa nge aongorori e nyeredzi. Asi tinoziya kuti mhuri ii yainga yecigara pa nyumba uye kuti Djesu ainga ari “ka mwana kadoko.” (Mat. 2:11) Zvinoita hingana kuti panokuhwirira ku Nazareta, awona akagara ku Bheterehema ke nguwa yakati rebei, kuti aite muzi wawo mu nharaundeyo.

Herodhi wakapasa mutemo wekuti auraise ana “ese e anarume . . . ainga ano makore mairi zveciterera ku Bheterehema.” (Mat. 2:16) Ngirozi imweni yakabvunza Zuzee na Mariya ngezvazvo, hino awona akatizira ku Egiptu uye awona akagara ikona dakara pakufa ka Herodhi. Nokuhamba ke nguwa Zuzee wakatora mhuri yake oenda ku Nazareta. Hino ngei Mariya na Zuzee aazi kuhwirira ku Bheterehema? Nge kuti mu nguwa iyona mwana wa Herodhi Arkerau, waitonga mu Djudhiya, uye iyena wainga ari munhu wainga no utsinye. Kusiya izvona ngirozi ya Djehovha yakabvunzazve Zuzee ngezve ngozi yokuhwirira ikona. Ndiyo ndaa awona akarumbwa ari ku Nazareta, iyona yainga iri mbuto yakacengeteka kuti anamate Djehovha.—Mat. 2:19-22; 13:55; Ruka 2:39, 52.

Zvinoita hingana kuti Zuzee wakafa Djesu asati afungura gwanza ro upenyu wekudenga. Ndiyo ndaa, Zuzee ucamutswa kuti ararame pa nyika pano. Anhu akawanda acakwanisa kumuziya kuti azwe zviro zvimweni zvakawanda zvakaringana nokugara kaakaita mumasure mekubarhwa ka Djesu.